Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA DECEMBER 2012

Ku Hlangana Swin’we Tanihi Ndyangu

Ku Hlangana Swin’we Tanihi Ndyangu

“Waswivo! Mawaku ndlela leyi swi nga swinene ha yona ni ku tsakisa ha yona loko vamakwavo va tshama swin’we hi vun’we!”—PISALEMA 133:1.

Lexi endlaka van’wana va tlangela Khisimusi.

Tanihi leswi Vaisrayele hinkwavo a va ri vatukulu va munhu un’we, ku nga Yakobe kumbe Israyele, a va ri “vamakwavo,” swirho swa ndyangu wun’we. Loko va hlengeletana eminkhubyeni eYerusalema, a swi ri “swinene” naswona a swi “tsakisa.” Ku fana na vona, mindyangu yo tala namuntlha yi swi langutela hi mahlo-ngati ku va swin’we ni ku tiphina hi nkarhi ‘lowunene’ ni lowu ‘tsakisaka’ hi Khisimusi.

Ha yini ku ri xiphiqo?

Encyclopedia of Christmas and New Year’s Celebrations yi ri: “Swiphiqo leswi nga nyawuriki leswi ndyangu wu hlangavetanaka na swona elembeni swi nga ha kula swi va swiphiqo leswikulu loko ndyangu wu hlangana hi nkarhi wa tiholideyi.”

Hi yihi milawu ya Bibele leyi nga pfunaka?

‘Hakela ndziho lowu faneleke eka vatswari ni vakokwa wa wena.’ (1 Timotiya 5:4) Loko swi koteka, hlela maendzo ya nkarhi na nkarhi ni ndyangu wa wena. Loko maxaka ya wena ma tshama ekule, nkarhi na nkarhi u nga bula na wona. Ha yini u nga ma tsaleli papila, u ma bela riqingho, u ma rhumela marungula kumbe u bula na wona eka Internet? Ku bula nkarhi na nkarhi swi hunguta ku nga twanani.

“Mi manyanile eka xinakulobye xa n’wina lexikulu. . . . Ndlandlamukani.” (2 Vakorinto 6:12, 13) Maxaka lama voniwaka kan’we hi lembe ma nga hundzuka vanhu vambe hi ku hatlisa—ngopfu-ngopfu eka vana. Vana van’wana a va tolovelananga ni vakokwa wa vona kumbe maxaka man’wana lama nga le kule. Hikokwalaho, khutaza vana va wena leswaku va ‘ndlandlamuka’ hi ku tolovelana ni maxaka ya vona lama dyuhaleke. * Vana lava nkarhi na nkarhi va hetaka nkarhi va ri ni vanhu lava dyuhaleke va tala ku va ni ntwela-vusiwana lowukulu va tlhela va xixima vanhu lava nga vakulu eka vona.

“Rito leri fikeke hi nkarhi wa kona i rinene ngopfu.” (Swivuriso 15:23) U nga swi papalata njhani leswaku swiphiqo leswikulu swi nga vangi ku nga twanani exikarhi ka swirho swa ndyangu? Ndlela yin’wana i ku hlawula ‘nkarhi lowunene’ wo bula hi swilo swa nkoka leswi mi karhataka. Loko mi bula nkarhi na nkarhi, u ta kuma leswaku swa olova ku tshinelela swirho swa ndyangu exihundleni leswaku mi tlhantlha swiphiqo swin’wana ni swin’wana kutani mi tiphina hi nkarhi ‘lowunene’ ni lowu ‘tsakisaka’ loko mi hlangana swin’we.

^ ndzim. 9 Vona xihloko lexi nge, “Hikwalaho Ka Yini Ndzi Fanele Ku Tolovelana Ni Vakokwa Wa Mina?” ni lexi nge, “Ndzi Nga Va Tolovela Njhani Vakokwa Wa Mina?” eka nkandziyiso wa Xalamuka! ya May 8 ni ya June 8, 2001, leti kandziyisiweke hi Timbhoni ta Yehovha.