Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA OCTOBER 2012

 Ta Vantshwa Va Hina

Tivonele Eka Ku Navela!

Tivonele Eka Ku Navela!

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Davhida, Absalomu na Yowabu

Nkatsakanyo: Absalomu u ringeta ku wutla xikhundlha xa tata wakwe.

VONA SWIENDLAKALO SWA KONA HI MAHLO YA MIANAKANYO.—HLAYA 2 SAMUWELE 14:25-33; 15:1-17; 18:9-17, 30-33.

Hlamusela ndlela leyi u ehleketaka leswaku Absalomu a a languteka ha yona. (Tlhela u hlaya 2 Samuwele 14:25, 26.)

Xana u ehleketa leswaku langutelo ni rito ra Absalomu a swi ri njhani loko a ringeta ku khorwisa lava a va te eka hosi leswaku yi ta va komba vululami? (Tlhela u hlaya 2 Samuwele 15:2-6.)

Xana u xiya yini hi vumunhu bya Absalomu malunghana ni mhaka leyi tsariweke eka 2 Samuwele 14:28-30?

ANAKANYISISA SWINENE HI MHAKA LEYI.

I yini leswi Absalomu a swi endleke leswaku a ta kota ku kuma xikhundlha? (Lexi nga ku pfunaka ku kuma nhlamulo: Hlaya 2 Samuwele 13:28, 29. Aminoni a ku ri n’wana wa Davhida lonkulu wa jaha naswona hi yena a a ri ni mfanelo yo teka xikhundlha xexo.)

Ku nga khathariseki ku navela kakwe ni ku ringeta ku titlakusa, xana mukhuva lowu Absalomu a lahliweke ha wona wu kombisa yini eka ndlela leyi a a tekiwa ha yona hakunene? (Tlhela u hlaya 2 Samuwele 18:17.)

Xana u ehleketa leswaku i yini lexi hoxeke xandla eka ku navela ka Absalomu? (Leswaku u vona mhaka leyi, hlaya leswi hlamuseriweke malunghana na Diyotrefo eka 3 Yohane 9, 10.)

 Xana swiendlo swa Absalomu swi n’wi khumbe njhani Davhida? (Lexi nga ku pfunaka ku kuma nhlamulo: Hlaya Pisalema 3, leyi Davhida a yi tsaleke hi nkarhi wa ku pfukela ka Absalomu.)

TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Khombo ra ku va ni moya wa ku navela.

Ku vava loku swiendlo swa munhu swi nga ku vangaka eka van’wana, ku katsa ni vatswari vakwe.

SWIN’WANA LESWI U NGA SWI TIRHISAKA.

Xana u nga wela njhani eka ndzingo wolowo wa ku navela?

Xana u nga swi papalata njhani ku va la tikukumuxaka?

HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

Xiringanyeto: Anakanya loko rungula leri a ri hele hi ndlela leyi hambaneke. Xana a ku ta va ku humelele yini loko Absalomu a lo ringanisela ematshan’weni yo navela?—Swivuriso 18:12.