Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xihondzo Xo Rindza (Nkandziyiso Wa Vandlha)  |  June 2014

Wa Tsundzuka Xana?

Wa Tsundzuka Xana?

Xana u yi hlaye hi vukheta minkandziyiso ya sweswinyana ya Xihondzo xo Rindza? A hi vone loko u nga swi kota ku hlamula swivutiso leswi landzelaka:

Hi wihi nkarhi lowu xinyimpfana xa Paseka a xi fanele xi tlhaviwa ha wona hi Nisani 14?

Vuhundzuluxeri byin’wana bya Bibele byi vula leswaku a xi fanele xi tlhaviwa “exikarhi ka madyambu mambirhi,” leswi vulaka leswaku hi nkarhi wa mpimavayeni kumbe loko dyambu ri pela—endzhaku ka loko dyambu ri perile kambe loko ka ha vona. (Eks. 12:6)—12/15, matluka 18-19.

Hi yihi milawu leyi kongomisaka ya le Bibeleni leyi vantshwa va nga yi tirhisaka ku endla swiboho swa vutlhari?

Yinharhu ya kona hi leyi (1) Lava Mfumo wa Xikwembu ni ku lulama ka xona ku sungula. (Mat. 6:19-34) (2) Kuma ntsako hi ku tirhela van’wana. (Mint. 20:35) (3) Kuma ntsako hi ku tirhela Xikwembu wa ha ri muntshwa. (Ekl. 12:1)—1/15, matluka 19-20.

Hi vahi vagadi va mune va tihanci lava va ti gadeke ku sukela hi 1914?

Yesu, mugadi wa hanci yo basa, u teke goza ro hlongola Sathana ni madimona yakwe etilweni. Mugadi wa hanci ya muvala wo tshwuka-xindzilo u fanekisela tinyimpi leti xaniseke vanhu. Mugadi wa hanci ya ntima u fanekisela ndlala. Mugadi wa hanci yo kwalala u dlaya vanhu va timiliyoni hi ntungu. (Nhlav. 6:2-8)—2/1, matluka 6-7.

“Nkhuvo wa vukati bya Xinyimpfana” wu ta endleka rini? (Nhlav. 19:7)

“Nkhuvo wa vukati bya Xinyimpfana” wu ta endleka endzhaku ka loko Hosi, Yesu Kreste, a hetise ku hlula ka yena, endzhaku ka loko Babilona Lonkulu a lovisiwile ni le ndzhaku ka nyimpi ya Armagedoni.—2/15, tluka 10.

Ha yini Vayuda va le nkarhini wa Yesu a va ‘langutele’ Mesiya? (Luka 3:15)

A hi nge swi tivi hi ku kongoma leswaku Vayuda va le nkarhini wa Yesu a va byi twisisa vuprofeta bya Daniyele lebyi vulavulaka hi Mesiya hilaha hi byi twisisaka hakona. (Dan. 9:24-27) Hambiswiritano, va nga ha va va twe leswi ntsumi yi swi byeleke varisi van’wana kumbe leswi vuriweke hi muprofeta wa xisati Ana loko a vona Yesu loko a ha ri ricece etempeleni. Nakambe, vangoma va swilo swa le mpfhukeni va tile va ta lava “loyi a nga velekeriwa ku va hosi ya Vayuda.” (Mat. 2:1, 2) Endzhakunyana, Yohane lowo Khuvula u hlamusele leswaku Kreste a a ta humelela ku nga ri khale.—2/15, matluka 26-27.

Hi nga swi papalata njhani leswaku Ina wa hina a nga vi E-e? (2 Kor. 1:18)

Entiyisweni, minkarhi yin’wana hi nga ha tsandzeka ku endla leswi hi swi tshembiseke hikwalaho ka swiyimo leswi hi nga kotiki ku swi lawula. Kambe loko hi endle xitshembiso kumbe xihlambanyo, hi fanele hi endla hinkwaswo leswi hi nga swi kotaka leswaku hi xi hetisisa.—3/15, tluka 32.

Hi nga wu papalata njhani ndzingo wo languta swifaniso leswi pfuxaka ku navela ku endla timhaka ta masangu?

Hi lawa magoza manharhu lama pfunaka (1) Loko ho tikuma hi pfule swifaniso swa timhaka ta masangu hi nga swi xiyanga, a hi nambe hi swi pfala. (2) Ku lawula mianakanyo ya hina hi ku anakanya swilo leswinene ni hi ku khongela eka Xikwembu. (3) Ku lawula swiendlo swa hina hi ku papalata tifilimi kumbe ti-Web site leti kombisaka swilo swa timhaka ta masangu.—4/1, matluka 10-12.

Hi byihi vuyelo lebyi nga languteriwangiki lebyi nga ha vaka kona loko Mukreste a siya ndyangu wakwe leswaku a ta hola mali yo tala etikweni rin’wana?

Loko vatswari va hlawula ku ka va nga tshami swin’we tanihi ndyangu, vana va nga ha vaviseka emintlhavekweni ni mahanyelo ya vona ma nga ha khumbeka. Va nga ha venga mutswari kumbe vatswari va vona. Naswona vanhu lava kuleke lava nga tshamiki ni vanghana va vona va vukati va nga ha langutana ni miringo ya ku tikhoma hi ndlela yo biha hi tlhelo ra rimbewu.—4/15, matluka 19-20.

Ha yini milenge ya swigevenga leswi dlayiweke hi ku hayekiwa emhandzini a yi tshoviwa?

Varhoma a va dlaya swigevenga swin’wana hi ku swi hayeka emhandzini. Vayuda va kombele leswaku milenge ya swigevenga leswi a swi ri ematlhelo ka Yesu yi tshoviwa. Sweswo a swi ta endla leswaku swigevenga sweswo swi tikeriwa hi ku hefemula ivi swi hatla swi fa. Xisweswo, a swi nga ta boheka ku hayekiwa vusiku hinkwabyo emhandzini. (Det. 21:22, 23)—5/1, tluka 11.

Hi swihi swivutiso swa mune leswi hi faneleke hi swi tsundzuka loko hi vulavula ni vanhu ensin’wini?

I vamani vanhu lava ndzi va chumayelaka? Ndzi va chumayela kwihi? Hi wihi nkarhi lowunene wo va endzela? Ndzi fanele ndzi vulavula na vona njhani?—5/15, matluka 12-15.

Ku dzaha swi ni khombo hi ndlela yihi?

Swi dlaye vanhu va 100 000 000 eka malembe ya dzana lama hundzeke. Sweswi swi dlaya vanhu va kwalomu ka 6 000 000 hi lembe.—6/1, tluka 3.