Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA (NKANDZIYISO WA VANDLHA) JULY 2013

Xirho Lexintshwa Xa Huvo Leyi Fumaka

Xirho Lexintshwa Xa Huvo Leyi Fumaka

Hi Ravunharhu nimixo, hi September 5, 2012, eBethele ya le United States ni ya le Canada ku tivisiwe leswaku ku engeteriwe xirho lexintshwa eka Huvo leyi Fumaka ya Timbhoni ta Yehovha. Ku sukela hi September 1, 2012, Mark Sanderson u sungule ku tirha tanihi xirho xa Huvo leyi Fumaka.

Makwerhu Sanderson u kuriseriwe eSan Diego le California, eU.S.A., hi vatswari vakwe lava nga Vakreste naswona u khuvuriwe hi February 9, 1975. U sungule ku phayona eSaskatchewan, le Canada, hi September 1, 1983. Hi December 1990, u thwasile eka tlilasi ya vunkombo eXikolweni xa Ndzetelo wa Vutirheli (lexi sweswi xi vuriwaka Xikolo xa Bibele xa Vamakwerhu Lava Nga Tekangiki) eUnited States. Hi April 1991, Makwerhu Sanderson u hlawuriwe ku ya va phayona ro hlawuleka exihlaleni xa Newfoundland, le Canada. Endzhaku ko tirha tanihi mupfuni wa mulanguteri wa xifundzha, u rhambiwe leswaku a ya va xirho xa ndyangu wa Bethele ya le Canada hi February 1997. Hi November 2000, u komberiwe ku ya tirha erhavini ra le United States, laha a tirheke eka Ndzawulo ya Rungula ra Swibedlhele kutani hi ku famba ka nkarhi u tirhe eka Ndzawulo ya Ntirho.

Hi September 2008, Makwerhu Sanderson u ye eXikolweni xa Swirho swa Komiti ya Rhavi kutani endzhaku ka sweswo u hlawuriwe ku va Xirho xa Komiti ya Rhavi ra le Philippines. Hi September 2010, u komberiwe ku tlhelela eUnited States, laha a fikeke a tirha tanihi mupfuni eka Komiti ya Ntirho ya Huvo leyi Fumaka.