Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XIHONDZO XO RINDZA (NKANDZIYISO WA VANDLHA) OCTOBER 2012

Swikhutazo Leswi Humaka “eMilon’wini Ya Vana”

Swikhutazo Leswi Humaka “eMilon’wini Ya Vana”

Hi December 2009, hikwalaho ka xiboho lexi tekiweke hi Huvo leyi Tlakukeke ya Vuavanyisi ya le Rhaxiya, nhlangano wa vukhongeri wa Timbhoni ta Yehovha wa le Taganrog eRhaxiya wu yirisiwile, Holo ya Mfumo yi tekiwile naswona ku vuriwe leswaku minkandziyiso ya hina ya 34 yi tekiwa tanihi leyi nga ni khombo. Xiviko lexi vulavulaka hi mhaka leyi xi nghenisiwe eka Web site ya le nawini ya Timbhoni ta Yehovha swin’we ni swifaniso swa Timbhoni leti khumbekaka, ku katsa ni swa vana lavatsongo.

Vana va le Australia

Endzhaku ka tin’hweti ti nga ri tingani, Ntsindza wa Vulawuri bya Timbhoni ta Yehovha eRhaxiya wu amukele bokisi ni papila leri humaka endyangwini wa Timbhoni wa le Queensland, eAustralia lowu voneke xiviko xa xiboho xa Huvo naswona papila ra kona a ri ku: “Vamakwerhu Lava Rhandzekaka, Vana va hina, Cody na Larissa va khumbiwe swinene hi ripfumelo ni maxangu ya vanghana va le Rhaxiya. Va tsale makhadi ni mapapila naswona hi lunghiselele nyiko leyitsongo leyi hi lavaka ku yi rhumelela vana va le Taganrog, hi va byela leswaku ku ni vana van’wana lava nga etindhawini ta le kule, lava na vona va tirhelaka Yehovha hi ku tshembeka naswona va anakanyaka ha vona. Va va rungula hi rirhandzu lerikulu.”

Loko vana va le Taganrog va kuma tinyiko toleto va tsale mapapila va tlhela va dirowa swifaniso leswaku va nkhensa ndyangu lowu wa le Australia. Hi ku susumetiwa hi marito lama khutazaka lama humaka “emilon’wini ya vana,” Mbhoni leyi tirhelaka erhavini ra le Rhaxiya yi tsalele Cody na Larissa yi ku: “Mi nga swi vona hi mahlo ya mianakanyo ndlela leyi swi nga tsakisiki ha yona eka vana ni vanhu lavakulu loko va xupuriwa hikwalaho ka swilo leswi va nga swi endlangiki. Vamakwerhu va le Taganrog a va dyanga xa munhu, kambe Holo ya vona ya Mfumo yi tekiwile. Leswi swi va khomise gome swinene. Swi ta va khutaza ku tiva leswaku vanhu van’wana etikweni rin’wana va anakanya ha vona. Ha ri tlangela rirhandzu ni musa wa n’wina!”—Ps. 8:2.

Vana va le Rhaxiya lava amukeleke tinyiko leti humaka eka vana va le Australia

Hakunene hi xiphemu xa ndyangu wa le misaveni hinkwayo, naswona ndlela leyi hi rhandzanaka ha yona ya hi pfuna hinkwerhu leswaku hi tiyisela miringo ni swiphiqo evuton’wini. Hambileswi Timbhoni ta Yehovha ti hehliweke hileswaku ti khutaza vanhu ku vengana, kambe vana va hina ematikweni yo hambana-hambana va mindhavuko yo hambana-hambana va kombise leswaku va rhandzana naswona va khathalelana, naswona langutelo ra vona ri kombisa leswaku marito ya Yesu i ya ntiyiso: “Hinkwavo va ta tiva leswaku mi vadyondzisiwa va mina, loko mi rhandzana.”—Yoh. 13:35.