Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! OCTOBER 2015

 TA RIVALA

Leswi Nga Pfunaka Ndyangu

Leswi Nga Pfunaka Ndyangu

Mindyangu yi langutana ni swiphiqo swo tala, kambe hi ku pfuniwa hi Bibele yi nga swi kota ku endla swiboho leswinene.

Afrika

Hi ku ya hi Vandla ra Rihanyo ra Misava Hinkwayo (World Health Organization), vamanana va fanele va sungula ku mamisa vana va vona ku nga si hundza awara a velekiwile naswona n’wana u fanele a mamisiwa ku ringana tin’hweti ta tsevu. Kambe Nkwama wa Vana wa Nhlangano wa Matiko lowu vuriwaka United Nations Children’s Fund wa le Vuxeni ni le Dzongeni wa Afrika, wu vula leswaku swinavetiso leswi yengaka vanhu swi ya emahlweni swi vula leswaku “meleke wa le bodlheleni wu kahle ku fana ni wa manana.”

LESWI BIBELE YI SWI VULAKA: “Un’wana ni un’wana la nga riki na ntokoto u pfumela rito rin’wana ni rin’wana, kambe lowo tlhariha u xiyisisa magoza yakwe.”—Swivuriso 14:15.

Canada

Valavisisi va le Montreal va vule leswaku vana lava vatswari va vona va va khomaka hi voko ra nsimbi, va tala ku nyuhela ku tlula vana lava vatswari va vona va ringaniselaka emhakeni yo tshinya.

XANA A WU SWI TIVA? Ndlela leyinene yo kurisa vana i khale yi tsariwile eBibeleni.—Vakolosa 3:21.

Netherlands

Vulavisisi lebyi endliweke hi mindyangu ya Madutch laha vatswari havambirhi va tirhaka, byi vule leswaku vatswari lava nga tirhiki ntirho wo tihanyisa loko va ri ekaya, va va ni vuxaka lebyinene ni vana va vona ku tlula vatswari lava pfumelelaka ntirho wa vona wu va kavanyeta ekaya. Hi xikombiso, ku hlamula riqingho ra mhaka leyi fambisanaka ni ntirho wo tihanyisa swi nga kavanyeta nkarhi lowu a wu fanele u wu heta u ri ni vana va wena.

LESWI U FANELEKE U SWI TSUNDZUKA: “Xin’wana ni xin’wana xi ni nkarhi wa xona.”—Eklesiasta 3:1.

DYONDZA SWO TALA

U Nga Va Ni Ndyangu Lowu Tsakeke

U nga va ni ndyangu lowu tsakeke hi ku va u tirhisa milawu ya le Bibeleni