Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! SEPTEMBER 2015

 TA RIVALA

Middle East

Middle East

EMiddle East hi laha a ku tshama vanhu vo tala va khale naswona i xihlovo xa swilo swa risima swinene leswi yimburiwaka.

VAENDLI VA VHINYO VA LE KANANA

Hi 2013 vayimburi va tshubule ndhawu leyikulu ya Vakanana yo hlayisela vhinyo, leyi a yi ri ni kwalomu ka malembe ya 3 700 yi ri kona. Ndhawu leyi a yi ri ni makhuwana lamakulu ya 40 lawa a ku cheriwa vhinyo leyi nga ringanaka ni mabodlhela ya vhinyo ya manguva lawa ya 3 000. Muyimburi loyi a kambisiseke masalela lama a ma ri eka makhuwana wolawo, u xiye leswaku Vakanana a va endla vhinyo hi vukheta. U te: “Swiletelo swa ku endla vhinyo a swi landzeleriwa hi vukheta.”

XANA A WU SWI TIVA? Bibele yi vulavula hi ku endliwa ka “vhinyo leyinene” eIsrayele wa khale ni ku hlayisiwa ka vhinyo eka makhuwana lamakulu.—Risimu Ra Solomoni 7:9; Yeremiya 13:12.

Ku Andza Lokukulu Ka Vanhu

Xiviko xa phepha hungu ra Guardian xi vula leswaku aEgypt nhlayo ya vana lava velekiwe hi 2012 yi engeteleke hi 560 000 loko yi ringanisiwa ni ya 2010. Magued Osman wa khamphani ya vulavisisi le Egypt ya Baseera u te: “Loku i ku andza lokukulu ematin’wini ya Egypt.” Swidyondzeki swin’wana swi vula leswaku loko ku andza loku ko ya emahlweni, ku ta va ni ku kayivela ka mati, gezi ni swakudya etikweni.

XANA A WU SWI TIVA? Bibele yi vula leswaku xikongomelo xa Xikwembu i ku va vanhu va “tata misava,” ni ku va va tsaka hileswi xi nga ta va endlela swona.—Genesa 1:28; Pisalema 72:16.

Ku Kumiwa Ka Mali Leyi A Yi Fihliwile

Ekusuhi ni patu lerikulu ra le Israyele, ku tshuburiwe mali ya tinsimbi ta koporo to tlula 100 leti nga ni marito lama nge “Year Four.Marito wolawo ma vula lembe ra vumune loko Vayuda va pfukela Varhoma (ku sukela hi 69 ku ya eka 70 C.E.) naswona ku pfukela loku ku endle leswaku Yerusalema yi lovisiwa. Pablo Betze murhangeri wa vuyimburi u te: “Swi le rivaleni leswaku swi nga endleka a ku ri ni munhu loyi a a chava leswaku ku lovisiwa ku fikile hileswi a a vona vuthu ra Varhoma ri ri karhi ri tshinela. U tumbete nhundzu yakwe a ehleketa leswaku u ta yi teka hi nkarhi wun’wana.”

XANA A WU SWI TIVA? Hi lembe 33 C.E., Yesu u profete leswaku vuthu ra Varhoma a ri ta rhendzela Yerusalema. U byele Vakreste leswaku va balekela etintshaveni leswaku va ponisiwa.—Luka 21:20-24.