Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! MARCH 2015

 TA RIVALA

Matiko Ya Afrika

Matiko Ya Afrika

Minhlangano yo tala ni vanhu va ringeta hi matimba ku antswisa xiyimo xa vutomi xa matiko ya Afrika. Hambiswiritano, ma ha kayakayisiwa hi swiphiqo leswikulu leswi ma tsandzekaka ku swi lulamisa.

Ku Hlaseriwa Ka Timhelembe

Hi 2013 eAfrika Dzonga ku dlayiwe timhelembe ta 1 004 loko ku ringanisiwa ni leti dlayiweke hi 2007 ta 13. Hambileswi nhlayo ya ku tsemeleriwa ka timhondzo ta timhelembe yi andzaka, vanhu va ya emahlweni va ti lava lerova khilogiramu yin’we yi durha ku tlula ya nsuku. Rimhondzo rin’we ri nga ringana hafu ya miliyoni wa tidolara.

XIVUTISO XO ANAKANYISISA HA XONA: Xana tihulumendhe ti ta swi kota ku herisa vuhomboloki?—Yeremiya 10:23.

Swifumbarheriso Leswi Nga Vikiwiki

Nhlangano wa Transparency International wu vula leswaku matiko ya Afrika Vuxa hi wona ma nga ni nhlayo leyikulu ya swifumbarheriso emisaveni hinkwayo. Kambe 90 wa tiphesente ta vanhu lava hlanganaka ni ku fumbarherisiwa, a va viki. Muvulavuleri wa nhlangano eKenya u ri: “Vaaka-tiko swi tikomba va nga yi tshembi hulumendhe ya vona loko swi ta emhakeni ya ku teka goza loko ku vikiwa vukanganyisi.”

LESWI BIBELE YI SWI VULAKA: “Xifumbarheriso xi pfala mahlo ya vanhu lava vonaka kahle.”—Eksoda 23:8.

Vanhu Va Le Afrika Lava Tirhisaka Internet

Nhlangano wa International Telecommunication Union, wu vula leswaku a ku languteriwe leswaku kwalomu ka tiphesente ta 20 ta vanhu va le Afrika va ta tirhisa Internet eku heleni ka lembe ra 2014. Kambe nhlayo ya lava tirhisaka Internet hi tiselifoni ta vona, yi tlakuka hi nhlayo leyi phindhiweke kambirhi ya xiringaniso xa misava hinkwayo.