Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! FEBRUARY 2015

 TA RIVALA

Xiphiqo Xa Rihanyo

Xiphiqo Xa Rihanyo

Hambileswi ku endliweke nhluvuko eka swa vutshunguri, vuvabyi byi ya emahlweni byi heta vanhu. Kambe vumbhoni byi kombisa leswaku swiphiqo swo tala swa rihanyo swi nga papalateka.

Misava

Vandla ra Rihanyo ra Misava Hinkwayo ri ringanyeta leswaku ku sukela sweswi ku ya fikela hi lembe ra 2035, lembe rin’wana ni rin’wana vanhu va timiliyoni ta 24 va ta khomiwa hi vuvabyi bya khensa. Leswi kombisaka ku andza hi tiphesente ta kwalomu ka 70 loko ku pimanisiwa ni nhlayo ya vanhu lava se va khomiweke hi vuvabyi lebyi, lava ku anakanyiwaka leswaku va tlula timiliyoni ta 14. Ku ringanyetiwa leswaku hafu ya nhlayo ya vanhu lava khomiweke hi vuvabyi lebyi yi vangiwe hi ndlela leyi va hanyaka ha yona, ku nga ku nwa byala ku tlula mpimo, ku nga endli vutiolori, ku nyuhela, ku tshwa hi dyambu ni ku dzaha.

Britain

Endzhaku ka loko ku kumiwe vumbhoni malunghana ni vuvabyi lebyi yelanaka ni bya ku penga ka tihomu lebyi khomaka vanhu, hulumendhe ya le Britain yi vula leswaku swi nga endleka leswaku byi hangalasiwa hi swilo swo tanihi ku pomperiwa ngati. Andrew Miller, xirho xa Palamendhe u te: “Swi hi karhate swinene ku twa leswaku vuvabyi lebyi, lebyi nga tshungulekiki bya ha xanisa vanhu.” U tlhele a ku: “Hi byeriwe leswaku switsongwatsongwana swi nga hangalaka hikwalaho ka ku tirhisiwa ka ngati leyi se yi nga ni switsongwatsongwana sweswo ni ku va munhu a nghenisiwa xirho xa munhu un’wana xa le ndzeni.”

Norway

Vulavisisi lebyi heteke malembe ya 11 byi ri karhi byi endliwa hi vanhu va le Norway va kwalomu ka 63 000, byi vula leswaku ntshikilelo wu nga vanga vuvabyi bya mbilu hi tiphesente ta 40. Nhlangano wa Yuropa wa Vativi va Mbilu wu tshahe un’wana wa vatsari volavo, a vula leswaku ntshikilelo wu pfuxa tihomoni ta ntshikilelo ni vuvabyi bya mbilu wu tlhela wu kavanyeta vuswikoti bya munhu byo yingisa xitsundzuxo lexi nga antswisaka rihanyo ra yena.

United States

Van’wasayense va endla vulavisisi emhakeni ya ku va ni vuxiyaxiya eka rihanyo hikwalaho ka musi wa switompi swa fole leswi siyiwaka kun’wana ni kun’wana erivaleni, etindlwini, etihotela ni le timovheni. Masalela ya switompi swa fole ma va ni khombo ngopfungopfu loko ma tshame nkarhi wo leha.

DYONDZA SWO TALA

U Nga Swi Kota Ku Antswisa Rihanyo Ra Wena

Vanhu vo tala va tsandzeka ku vona ku yelana exikarhi ka mikhuva ni rihanyo ra vona. Xiya tindlela ta ntlhanu to sirhelela ni ku antswisa rihanyo ra wena.

Xana U Nga Hanya Nkarhi Wo Tanihi Kwihi?

Ku tiva leswi vangaka vudyuhari ni rifu i xisekelo xo twisisa leswaku hi nga hanya nkarhi wo tanihi kwihi.