Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xalamuka!  |  February 2015

 LANGUTELO RA BIBELE

Mesiya

Mesiya

Bibele yi profete leswaku Mesiya a a ta ta emisaveni kutani a kutsula vanhu eka vuvabyi, ku xaniseka ni rifu. Xana Yesu Kreste hi yena Mesiya?

Xana vanhu a va ta n’wi tivisa ku yini Mesiya?

Hi ku ya hi vuprofeta bya Bibele, Mesiya kumbe Kreste a a ta endla mintirho yimbirhi, leyi a a ta yi endla hi minkarhi leyi hambaneke ni leyi leheke. * Ntirho wakwe wo sungula, a a ta va munhu wa nyama. Leswaku vanhu va ta kota ku n’wi tiva hi ku olova, vatsari va Bibele va profete swilo swo tala leswi a a ta swi endla ni vutirheli byakwe. Entiyisweni, ‘vumbhoni malunghana na Yesu’ hi byona lebyi ku vulavuriwaka ha byona swinene eka vuprofeta bya le Bibeleni.—Nhlavutelo 19:10.

Loko Yesu a ha ri munhu wa nyama u swi endlilenyana swilo leswikulu leswi a nga ta swi endla emisaveni hinkwayo tanihi hi xivumbiwa xa moya lexi nga ni matimba lamakulu

LESWI BIBELE YI SWI VULAKA

Mesiya a a ta . . .

Yesu u byi hetisise hinkwabyo vuprofeta byebyo swin’we ni byin’wana byo tala. Nakambe u horise lava vabyaka ni ku pfuxa lava feke. A nga nyikelanga vumbhoni bya leswaku hi yena Mesiya ntsena kambe u tlhele a endla leswaku ripfumelo ra hina ri va leri tiyeke eka switshembiso swa le Bibeleni leswi a nga ta swi hetisisa hi ndlela leyikulu enkarhini lowu taka. (Luka 7:21-23; Nhlavutelo 21:3, 4) Endzhaku ka ku pfuxiwa kakwe, Yesu u tshame ‘evokweni ra xinene’ ra Xikwembu, a rindzela nkarhi lowu a nga ta hetisisa ntirho wakwe tanihi Mesiya.—Pisalema 110:1-6.

“Loko Kreste a fika, a nge endli masingita yo tala ku tlula leswi endliweke hi munhu loyi, a hi swona ke?”Yohane 7:31.

 Xana Mesiya u ta wu hetisisa njhani ntirho wakwe?

Vayuda va le nkarhini wa Yesu a va rindzele Mesiya leswaku a va tshunxa emfun’weni wa Varhoma kutani a fuma emfun’weni lowu vuyeteriweke wa Israyele. (Mintirho 1:6) Valandzeri va Yesu va Vayuda va swi twisise hi ku famba ka nkarhi leswaku a a ta hetisisa ntirho wakwe a ri etilweni tanihi xivumbiwa xa moya lexi nga ni matimba lexi nyikiweke vulawuri lebyikulu.—Matewu 28:18.

LESWI BIBELE YI SWI VULAKA

Eka ntirho wakwe wa vumbirhi, Mesiya u ta . . .

Yesu u hetisise ntirho wakwe wo sungula tanihi Mesiya. Nakambe u ta hetisisa ntirho wakwe wa vumbirhi. Hikokwalaho, lavo tlhariha va dyondza eka yena, hikuva Yesu u te: “Hi mina ndlela ni ntiyiso ni vutomi.”—Yohane 14:6.

“Emasikwini ya yona lowo lulama u ta hluka, ni ku rhula ku ta andza ku fikela n’weti wu nga ha vi kona. Yi ta fuma . . . ku ya emakumu ka misava.”Pisalema 72:7, 8.

^ ndzim. 5 Rito leri nge “Mesiya” ri huma eka Xiheveru. Kasi rito leri fanaka na rona leri nge “Kreste” ri huma eka Xigriki.—Yohane 1:41.

^ ndzim. 7 Xikombo xo sungula laha i xa vuprofeta; xa vumbirhi, i xa ku hetiseka ka byona.

DYONDZA SWO TALA

MAHUNGU LAMANENE LAMA HUMAKA EKA XIKWEMBU!

Yesu Kreste I Mani?

Kuma leswaku ha yini Yesu a file. Leswi nkutsulo wu nga swona ni leswi Yesu a swi endlaka sweswi.