Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! FEBRUARY 2015

 NHLOKOMHAKA YA XIFUNENGETO | XANA BIBELE YA PFUNA NAMUNTLHA?

Milawu Leyi Tirhaka Eka Vanhu Hinkwavo—Ku Tikhoma

Milawu Leyi Tirhaka Eka Vanhu Hinkwavo—Ku Tikhoma

NAWU WA BIBELE: “Xihunguki xi humesa moya wa xona hinkwawo, kambe lowo tlhariha u tshama a rhulile ku fika emakumu.”Swivuriso 29:11.

“Ndzi titwa onge hiloko ndzi pone ku fa!”

VUYELO BYA KONA: Swi tele swinene leswi ku tikhoma ku hi vuyerisaka ha swona! Entiyisweni, mfanelo leyi yi nga sirhelela rihanyo ra hina. Bibele yi ri: “Mbilu leyi tsakeke, yi horisa miri.” Yi tlhela yi ku: “Ku tsaka ka mbilu, swi tshungula miri.” (Swivuriso 14:30; 17:22, Bibele—Mahungu Lamanene) Kahle-kahle, ndzavisiso wu kombisa leswaku vanhu lava tshamelaka ku hlundzuka ni ku va ni xikhomela, va veka vutomi bya vona ekhombyeni ro khomiwa hi mavabyi ya mbilu. Entiyisweni, ku tikhoma ku hi pfuna eka rihanyo ni le ka swin’wana.

Cassius, loyi sweswi a nga emalembeni ya va-30, wa tsundzuka: “A ndzi rhandza timholovo, ndzi hlundzuka hi ku hatlisa naswona minkarhi yin’wana a ndzi lwa. A ndzi nga tixiximi. Kambe sweswo hinkwaswo swi cincile loko ndzi sungula ku tirhisa milawu ya Bibele. Ndzi dyondze ku lawula ku hlundzuka ka mina ni ku hlakulela ku titsongahata ni ku rivalela. Handle ka swona, a ndzi ta va ndzi ri ejele. Hakunene, ndzi titwa onge hiloko ndzi pone ku fa!”

Cassius u dyondze ku lawula ku hlundzuka ka yena ni ku rivalela

DYONDZA SWO TALA

Milawu Ya Xikwembu Yi Hi Pfuna Njhani?

Yesu u hlamusele leswaku ha yini hi lava nkongomiso ni leswaku hi yihi milawu ya Bibele leyi nga ya nkoka.

Mahanyelo Lamanene Lama Dzunekaka

Vanhu vo tala va languta mhaka yoleyo hi ndlela leyi: ‘Loko u twa onge swi lulamile, swi endle. Yingisa mbilu ya wena.’ Xana i vutlhari ku anakanya hi ndlela yoleyo? Vona ndlela leyi milawu leyi nga le Bibeleni u nga yi tshembaka ha yona.