Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

XALAMUKA! JANUARY 2015

 TA RIVALA

Ku Paluxiwa Ka Vukhongeri

Ku Paluxiwa Ka Vukhongeri

Vukhongeri byi fanele byi endla leswaku ku va ni vun’we. Kambe ematshan’weni ya sweswo byi vanga hasahasa ni ku nga tshembani.

Misava

Emisaveni vanhu lava tlulaka tikotara tinharhu, va hanya ematikweni lawa ku nga ni swipimelo eka swa vukhongeri, ku nga va swa nawu wa tiko kumbe hikwalaho ka nyimpi. Emalembeni ya ntlhanu lama ha ku hundzaka, nhlayo ya matiko lawa vukhongeri byi tirhisiwaka hi ndlela yo biha, yi andzile.

XIVUTISO XO ANAKANYISISA HA XONA: Hi swihi swivangelo leswi endlaka leswaku vanhu va nga byi tsakeli vukhongeri?—Matewu 23:27, 28; Yohane 15:19.

Nghilandhi

Tony Blair khale ka Holobye-nkulu, u tsale eka phepha-hungu ra Observer a vula leswaku “ku tirhisiwa ka vukhongeri hi ndlela yo biha” hi swona swi vangaka vutherorisi bya sweswinyana. U tlhele a vula leswaku “tinyimpi leti nga kona a ti vangiwi ngopfu hi swa tipolitiki ku fana ni tinyimpi ta hi va-1900 kambe ti tlhontlhiwa hi hasahasa ya swa vukhongeri.”

XIVUTISO XO ANAKANYISISA HA XONA: Ha yini vukhongeri ku ri byona hakanyingi byi vangaka hasahasa?—Marka 7:6-8.

Australia

Swiviko swa Australian Bureau of Statistics swi kombisa leswaku eka vanhu va ntlhanu va le Australia un’we wa vona u vula leswaku a nga ngheni eka swa vukhongeri. Swiviko swi tlhela swi vula leswaku “vanhu va vukhongeri a va ha katseki eka swa vukhongeri ntsena.” Nhlayo ya vavanuna lava ringanaka tiphesente ta 15 ni vavasati va tiphesente ta 22 hi vona ntsena va katsekaka ngopfu eka swa vukhongeri.

XIVUTISO XO ANAKANYISISA HA XONA: Hi tihi timfanelo to biha leti vonakaka eka vukhongeri namuntlha?—Matewu 7:15-20.

DYONDZA SWO TALA

XIHONDZO XO RINDZA

Xana Vukhongeri Byin’wana Ni Byin’wana Byi Faneriwa Hi Ku Tshembiwa?

Xana u tshame u khomisiwa tingana hi vukhongeri? Loko swi ri tano, swi nga tika ku tshemba vukhongeri byin’wana ni byin’wana. Xana ku dyondza Bibele swi nga ku pfuna njhani?

SWIVUTISO LESWI TALAKA KU VUTISIWA

Ha Yini Timbhoni Ta Yehovha Ti Nga Hlanganyeli Eka Tipolitiki?

Xana ti xungeta vuhlayiseki bya tiko?