Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! JANUARY 2015

 NHLOKO-MHAKA YA XIFUNENGETO

Vutomi Byi Ve Kona Njhani?

Vutomi Byi Ve Kona Njhani?

U nga xi hetisa njhani xivulwa lexi landzelaka?

VUTOMI BYI VE KONA HI ․․․․․.

  1. KU TIHUNDZUKELA KA SWILO

  2. NTUMBULUKO

VAN’WANA va nga ha vula leswaku munhu loyi a pfumelaka eka sayense a nga hlawula “ku tihundzukela ka swilo” naswona munhu wa vukhongeri a nga hlawula “ntumbuluko.”

Kambe a hi minkarhi hinkwayo.

Rama Singh, profesa wa ntivo-vutomi wa Yunivhesiti ya McMaster le Canada u te: “Ku nga pfumelelani hi mhaka ya ku tihundzukela ka swilo a swi humi eka vukhongeri ntsena, kambe ni le ka vanhu vo tala lava dyondzekeke.”

Anakanya hi Gerard, profesa la nga mutivi wa swimilana loyi a dyondzisiweke dyondzo ya ku tihundzukela ka swilo ekholichi. U te: “Loko ndzi tsala swikambelo, a ndzi nyika vadyondzisi tinhlamulo leti va ti lavaka, kambe a ndzi nga ti tshembi tinhlamulo toleto.”

Ha yini vanhu lava pfumelaka eka swa sayense na vona swi va tikela ku pfumela leswaku vutomi byi ve kona hi ku tihundzukela ka swilo? Leswaku u kuma nhlamulo ya xivutiso lexi, xiya swivutiso swimbirhi leswi karhataka valavisisi vo tala: (1) Vutomi byi ve kona njhani? (2) Swilo leswi hanyaka swi ve kona njhani?