Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! NOVEMBER 2014

“Muako Lowukulu Lowu Tiyeke”

“Muako Lowukulu Lowu Tiyeke”

ERIBUWENI ra le vuxeni ra Nambu wa Motoyasu eDorobeni ra Hiroshima eJapani, ku ni muako lowu saleke wu ri rhumbi ku sukela hi 1945. Ha yini ku hundze malembe ya kwalomu ka 70 wu nga si tlhela wu akiwa?

Muako lowu hetiweke hi 1915, lowu nga ni swithezi swinharhu naswona wu akiweke hi switina ni misava a wu tirha tanihi holo ya nkombiso leyi kondletelaka swa mabindzu. Kambe sweswo swi cincile hi ti 6 ta August 1945, hi 8:15 nimixo. Hi nkarhi wolowo, bomo yo sungula ya athomo eka leti tshameke ti tirhisiwa enyimpini yi buluke timitara ta kwalomu ka 550 ehenhla ka doroba naswona a yi kongome laha holo a yi ri kona. Hinkwavo lava a va ri endzeni ka yona va file hi nkarhi wolowo. Kambe, holo a yi wanga.

Vandla ra Nhlangano wa Matiko ra Dyondzo, Sayense ni Ndhavuko (UNESCO [United Nations Educational, Scientific, and Cultural Organization]) ri ri, “i muako lowukulu lowu tiyeke eka leyi tshameke yi akiwa hi vanhu.” Hi 1996 muako lowu wu tsariwile eka UNESCO World Heritage List tanihi Xitsundzuxo xa ku Rhula xa le Hiroshima.

Lexi twisaka ku vava hi leswaku switsundzuxo sweswo leswi vavaka a swi yi herisanga nyimpi leyi vangiwaka hi makwanga, vutiko, rixaka, vukhongeri ni rivengo ra rixaka. Xana tinyimpi ti ta tshama ti ri kona?

Bibele yi ri a swi tano. Pisalema 46:9 yi ri: ‘Xikwembu xi ta herisa tinyimpi ku ya fika emakumu ya misava. Vurha xi byi tshova hi le xikarhi naswona xi tshovelela fumu; tigolonyi xi ti hisa endzilweni.’ Hi nkarhi wolowo, Xikwembu xi ta siva mimfumo ya vanhu hi hulumendhe ya xona ya misava ku nga Mfumo wa Xikwembu, lowu ku nga ta fuma Yesu Kreste, loyi a hlawuriweke leswaku a va “Hosi ya tihosi.”—Nhlavutelo 11:15; 19:16.

Endzhaku ka sweswo, ku tsundzukiwa ka tinyimpi a ku nge he vi ka nkoka. Esaya 65:17 yi vula leswaku “swilo swo sungula,” ku nga maxangu ni gome leswi nga kona sweswi, “a swi nge tsundzukiwi, hambi embilwini a swi nge ti.”

DYONDZA SWO TALA

I Yini Leswi Mfumo Wa Xikwembu Wu Nga Ta Swi Endla?

Twana leswi u nga swi langutelaka loko hulumendhe ya Xikwembu se yi fuma emisaveni.

Ku Xaniseka Ku Le Kusuhi Ni Ku Hela!

Xikwembu xi tshembise ku herisa swilo hinkwaswo leswi vangaka ku xaniseka. Xana xi ta swi endlisa ku yini naswona rini?