Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xalamuka!  |  July 2014

Ta Rivala

Ta Rivala

United States

Xiviko xa Ndzawulo Ya Vurimi xi kombisa leswaku minkarhi yin’wana hi lembe ra 2012 tinhloko ta mindyangu leti endlaka tiphesente ta 14.5 ta le U.S.A., ku nga vanhu lava ringanaka 49 wa timiliyoni—a va “kayivela swakudya kumbe a va nga swi koti ku kuma swakudya leswi ringaneke leswaku va kota ku wundla mindyangu ya vona.”

Spaniya

Eka ndzavisiso lowu endliweke eka swichudeni swa le yunivhesiti, ku kumiwe leswaku vavasati va kwalomu ka 56 wa tiphesente ni vavanuna va kwalomu ka 41 wa tiphesente, va pfumela leswaku va tshame va kukutlela byala ku tlula mpimo, leswi vulaka leswaku ku ya hi vulavisisi lebyi (vavanuna) va kukutlela mabodlhela ya nhungu hi nkarhi wun’we, kasi (vavasati) va kukutlela mabodlhela ya tsevu.

Lwandle Ra Pacific

Van’wasayense lava kambisiseke evuentweni bya Lwandle ra Mariana Trench leri enteke kwalomu ka 11 000 wa timitara, va kume leswaku tibaktheriya ni switsongwatsongwana swin’wana swi kota ku hanya kwalaho—hambileswi ku nga xinyama swinene, swi tlumbanaka loko swi famba ni leswi ku titimela ngopfu. Eku sunguleni a ku anakanyiwa leswaku a wu kona nchumu lowu nga hanyaka endhawini ya tano.

United Arab Emirates

Leswaku mfumo wa Dubai wu endla matshalatshala yo sivela ku nyuhela ka vanhu, sweswinyana a wu nyika muaka-tiko un’wana ni un’wana giramu yin’we ya nsuku leyi hi nkarhi wolowo a yi durha kwalomu ka R390 loko a hungute ntiko wa miri wakwe hi khilogiramu yin’we. Leswaku vanhu va kuma nsuku wolowo, a va fanele va tsarisa kutani va hunguta ntiko wa miri wa vona hi tikhilogiramu timbirhi hi n’hweti ya Ramadan.