Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xalamuka!  |  June 2014

 LANGUTELO RA BIBELE

Rifu

Rifu

Vafi va kwihi?

“Hikuva u ntshuri u ta tlhelela entshurini.”—Genesa 3:19.

LESWI VANHU VA SWI VULAKA

Van’wana va vula leswaku loko munhu a fa u ya eXivandleni xin’wana, ku nga ha va etilweni, etiheleni, epagatori kumbe eLimbo. Van’wana va pfumela eka dyondzo ya ku velekiwa ra vumbirhi hi xivumbeko xin’wana. Kasi lava nga pfumeriki eka swa vukhongeri va tshemba leswaku ku fa i ku va munhu a nga ha vi kona.

LESWI BIBELE YI SWI VULAKA

Eklesiasta 9:10 yi vula leswaku “a ku na ntirho hambi ku ri kungu, vutivi kumbe vutlhari eSheol, ndhawu leyi u yaka eka yona.” Nakambe Bibele yi hlamusela leswi endlekaka eka vanhu ni swiharhi loko swi fa. Yi ri: “Hinkwaswo swi ya endhawini yin’we. Hinkwaswo swi ve kona swi huma entshurini, hinkwaswo swi tlhelela entshurini.”Eklesiasta 3:20.

 Xi njhani xiyimo xa vafi?

“Moya wakwe wa huma, a tlhelela entshurini wa yena; Hi siku rero miehleketo yakwe ya lova.”Pisalema 146:4.

LESWI VANHU VA SWI VULAKA

Vanhu vo tala va dyondzisiwe leswaku leswi nga ta endleka eka munhu loko a file swi titshege hi leswi a a swi endla loko a ha hanya emisaveni. Loko a endle leswinene, u ta tiphina hilaha ku nga heriki; loko a endle swo biha u ta xanisiwa hilaha ku nga heriki. Ku vuriwa leswaku munhu u fanele a hlantswiwa swidyoho a nga si ya eka Xikwembu. Lava nga hlantswiwangiki, a ve nge wu kumi ntsako.

LESWI BIBELE YI SWI VULAKA

Lava feke a va koti ku tsaka naswona a va twi ku vava loko va xanisiwa. Vafi a va twi nchumu; a va nge swi koti ku pfuna hambi ku ri ku vavisa lava hanyaka. Eklesiasta 9:5, 6 yi ri: “Lava hanyaka va swi tiva leswaku va ta fa kambe loko ku ri lava feke, a va tivi nchumu nikatsongo, . . . Rirhandzu ra vona, rivengo ra vona ni mavondzo ya vona se swi herile, naswona a va ha ri na xiavelo hilaha ku nga riki na makumu eka leswi swi nga ta endliwa ehansi ka dyambu.”

Xana ku ni ntshembo hi lava feke?

“Xana loko munhu la tiyeke emirini a fa a nga tlhela a hanya? Ndzi ta rindza emasikwini hinkwawo ya ntirho wa mina wo sindzisiwa, kukondza ku fika ntshunxeko wa mina.”Yobo 14:14.

LESWI VANHU VA SWI VULAKA

Swi tolovelekile leswaku loko va ku munhu u ta ya etiheleni, a ku na ntshembo lowu nga kona eka yena. Ku xanisiwa etiheleni a ku heli. Lava nga le pagatori va ta ya etilweni endzhaku ka loko va xanisiwile hikwalaho ka swidyoho swa vona.

LESWI BIBELE YI SWI VULAKA

N’wana wa Xikwembu u ta pfuxa lava feke leswaku va tlhela va hanya laha emisaveni. Bibele yi ri: “Mi nga hlamaleni ha swona, hikuva nkarhi wa ta lowu hinkwavo lava nga eka masirha-bako ya xitsundzuxo va nga ta twa rito ra yena kutani va huma.” (Yohane 5:26, 28, 29) Hi nkarhi wolowo, swiendlo swa munhu hi swona swi nga ta tiyisekisa loko a faneleka ku kuma vutomi lebyi nga heriki kumbe e-e. *

^ ndzim. 14 Leswaku u kuma rungula leri engetelekeke hi ku pfuxiwa ka vafi, hi kombela u hlaya ndzima 7 ya buku leyi nge, Xana Bibele Yi Dyondzisa Yini Hakunene? leyi kandziyisiweke hi Timbhoni ta Yehovha.