Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! OCTOBER 2013

Ta Rivala

Ta Rivala

Italy

Hi 2011 eItaly, ku xavisiwe swikanyakanya swo tala ku tlula timovha. Swivangelo swin’wana leswi vangaka sweswo i ku tsekatseka ka ikhonomi, ku durha ka petirolo ni leswi ku lunghisa timovha swi durhaka swinene. Kasi, swikanyakanya a swi durhi ku swi lunghisa, swa olova ku swi tirhisa naswona swa pfuna swinene.

Armenia

Huvo ya le Yuropa ya Timfanelo ta Vanhu yi teke xiboxo xa leswaku hulumendhe ya Armenia yi delele timfanelo ta majaha ya 17, lava hinkwavo ka vona va nga Timbhoni ta Yehovha, lava pfaleriweke endzhaku ka loko va ale ku endla ntirho lowu nga fambisaniki ni vusocha va languteriwe hi valawuri va masocha. Hulumendhe yi lerisiwe ku hakela mali yo riha ni ya swikoxo swa magqweta swa majaha lawa ya 17.

Japani

Eka vana lava humeleriweke hi vugevenga lebyi vangiweke hi ti-Web site to endla xinghana eka tona, lava endlaka tiphesente ta 63 a va lemukisiwanga hi vatswari va vona malunghana ni makhombo lama nga vaka kona eka tona. Eka milandzu ya 599 leyi kambisisiweke, vanhu lava endlaka 74 wa tiphesente lava endlaka vugevenga lebyi va pfumerile leswaku xikongomelo xa vona xo tirhisa ti-Web site leti a ku ri ku endla timhaka ta masangu ni vana.

Chayina

Madoroba lamakulu ma le ku lawuleni ka nhlayo ya timovha letintshwa leti faneleke ti tsarisiwa, tanihi ndlela yo ringeta ku hunguta ku tlimbana ka timovha emagondzweni. Hi xikombiso, doroba ra Beijing ri ta tsarisa timovha ta 240 000 ntsena hi lembe. Hi August 2012, vanhu va kwalomu ka 1 050 000 va nghenele mphikizano lowu humeseke switifiketi swo tsarisa timovha swa 19 926, leswi vulaka leswaku i munhu un’we ntsena eka va 53 loyi xikombelo xakwe xi amukeriweke.