Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! OCTOBER 2013

 XANA YI LO ENDLIWA?

Ndlela Yo Hlamarisa Leyi Xitsotswana Xa Katydid Xi Twaka Ha Yona

Ndlela Yo Hlamarisa Leyi Xitsotswana Xa Katydid Xi Twaka Ha Yona

XITSOTSWANA lexi vuriwaka katydid (Copiphora gorgonensis) lexi kumekaka emakhwatini ya le Amerika Dzonga xi ni tindleve leti nga fikiki ni le ka milimitara hi ku leha kambe ti twa ku fana ni tindleve ta munhu. Xitsotswana lexi xi nga kota ku twa mimpfumawulo yo hambana-hambana ku suka ekule swinene. Hi xikombiso, xi nga kota ku hambanisa mpfumawulo wa xitsotswana xin’wana xa katydid ni mpfumawulo wa mangadyana lowu hlotaka.

NDLEVE YA KATYDID

Xiya: Tindleve ta xitsotswana lexi ti le milengeni ya xona ya le mahlweni. Ku fana ni ndleve ya munhu, ndleve ya xitsotswana lexi yi hlengeleta mpfumawulo, yi wu hundzula yi tlhela yi wu kambisisa. Kambe van’wasayense va tshubule xirho xo hlawuleka endzeni ka ndleve ya xitsotswana lexi—ximbhovana lexi nga ni swihalaki lexi langutekaka ku fana ni baluni yo leha leyi vambekeke. Xirho lexi lexi va xi thyeke acoustic vesicle, xi tirha ku fana ni noti wa tindleve ta swiharhi leswi mamisaka, kambe xona i xitsongo ngopfu. Hi wona wu endlaka leswaku xitsotswana lexi xi twa hi ndlela yo hlamarisa swinene.

Daniel Robert, profesa wa le Yunivhesiti ya Tidyondzo ta Ntivo-vutomi, le Bristol, eUnited Kingdom, xirho lexi xa ha ku tshuburiwaka xi ta pfuna vanjhiniyara leswaku va “endla michini leyitsongo yo pfuneta ku twa leyi twaka kahle ku tlula leyi yi tirhisiwaka sweswi.” Vakambisisi va tshemba leswaku wu ta tlhela wu pfuna xitukulwana lexi nga ta landzela eku antswiseni ka muchini wo pfuneta ku twa mimpfumawulo ku katsa ni le ka fambiselo ro teka swifaniso leri tirhisiwaka eswibedlhele.

U anakanya yini? Xana ndlela yo hlamarisa leyi xitsotswana xa katydid xi twaka ha yona yi lo tiendlekela kumbe yi lo endliwa?