Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! SEPTEMBER 2013

 LANGUTELO RA BIBELE

Ku Endla Timhaka Ta Masangu U Nga Si Nghenela Vukati

Ku Endla Timhaka Ta Masangu U Nga Si Nghenela Vukati

Xana swi hoxile ku endla timhaka ta masangu u nga si nghenela vukati?

“Hikuva Xikwembu xi rhandza leswaku . . . mi papalata vumbhisa.”1 Vatesalonika 4:3.

LESWI VANHU VA SWI VULAKA

Mindhavuko yin’wana yi pfumelela vanhu lava kuleke lava nga tekanangiki lava tshamaka swin’we leswaku va endla timhaka ta masangu. Etindhawini tin’wana swi tekiwa swi amukeleka ku va vantshwa lava nga si tekanaka va endla timhaka ta masangu ta muxaka wo karhi.

LESWI BIBELE YI SWI VULAKA

Bibele yi tirhisa rito “vumbhisa” loko yi vulavula hi muxaka wo karhi wa timhaka ta masangu leti endliwaka hi vanhu lava nga si tekanaka. Xikwembu xi langutele leswaku vagandzeri va xona va “papalata vumbhisa.” (1 Vatesalonika 4:3) Vumbhisa i xidyoho lexikulu, tanihi vuoswi, vungoma, vudakwa, ku gandzela swifaniso swa hava, ku dlaya ni vukhamba.—1 Vakorinto 6:9, 10; Nhlavutelo 21:8.

LEXI ENDLAKA MHAKA LEYI YI VA YA NKOKA

Xivangelo xin’wana hileswaku Bibele yi vula leswaku “Xikwembu xi ta avanyisa timbhisa.” (Vaheveru 13:4) Xa nkoka swinene, loko hi yingisa milawu ya Xikwembu malunghana ni ku tikhoma hi ndlela leyinene etimhakeni ta masangu, hi kombisa leswaku hi rhandza Yehovha Xikwembu. (1 Yohane 5:3) Kutani yena u katekisa lava yingisaka swileriso swakwe.—Esaya 48:18.

 Xana swi bihile ku va vanhu lava nga si tekanaka va hlanganyela eka muxaka wo karhi wa timhaka ta masangu?

“Vumbhisa ni thyaka ra muxaka wun’wana ni wun’wana kumbe makwanga swi nga vuriwi hambi ku ri ku vuriwa exikarhi ka n’wina.”Vaefesa 5:3.

LESWI VANHU VA SWI VULAKA

Vanhu vo tala va anakanya leswaku a swi bihanga loko vanhu lava nga tekanangiki va khoma-khomana hi ndlela leyi nga ta endla leswaku va navela ku endla timhaka ta masangu, ntsendze loko va nga ti endlanga.

LESWI BIBELE YI SWI VULAKA

Loko Bibele yi vulavula hi ku tikhoma loko biha hi tlhelo ra rimbewu, a yi vulavuli hi vumbhisa ntsena kambe yi vulavula ni hi ku tikhoma loku ‘thyakeke’ hi tlhelo ra rimbewu ni ku ‘tikhoma ko biha.’ (2 Vakorinto 12:21) Swi le rivaleni leswaku ku ni tindlela to tala ta ku tikhoma hi ndlela yo biha hi tlhelo ra rimbewu, leti nga xi tsakisiki Xikwembu loko ti endliwa hi vanhu lava nga si nghenelaka vukati hambiloko va nga endli timhaka ta masangu hi ku kongoma.

Kahle-kahle leswi Bibele yi swi vulaka malunghana ni timhaka ta masangu hi leswaku ti fanele ti endliwa hi wanuna ni wansati lava tekaneke. Nakambe Bibele yi sola “ku navela ka ku lava vuxaka bya rimbewu.” (1 Vatesalonika 4:5) Xana sweswo swi vula yini? Xiya xikombiso lexi nga ha tirhaka hi ndlela leyi fanaka eka wanuna kumbe eka wansati: Wansati a nga ha va a tiyimiserile ku nga endli timhaka ta masangu ni wanuna loyi a rhandzanaka na yena. Kambe, u khoma-khomana na yena hi ndlela leyi pfuxaka ku navela ka timhaka ta masangu. Hi ku endla tano, va le ku naveleni ka swilo leswi nga riki swa vona. Hikwalaho, va ni nandzu wa ku “navela ka ku lava vuxaka bya rimbewu.” Bibele yi sola makwanga yo tano ya rimbewu.—Vaefesa 5:3-5.

U nga swi papalata njhani ku tikhoma hi ndlela yo biha hi tlhelo ra rimbewu?

“Balekelani vumbhisa.”1 Vakorinto 6:18.

LEXI ENDLAKA MHAKA LEYI YI VA YA NKOKA

Hi ku ya hi Bibele, lava endlaka timhaka ta masangu va nga si nghenela vukati va le khombyeni ro lahlekeriwa hi vunghana lebyi va nga na byona ni Xikwembu.—Vakolosa 3:5, 6.

LESWI BIBELE YI SWI VULAKA

Bibele yi khutaza vanhu leswaku va ‘balekela vumbhisa.’ (1 Vakorinto 6:18) Leswi swi vula leswaku munhu u fanele a papalata swilo hinkwaswo hilaha a nga kotaka hakona, leswi nga n’wi pfuxelaka ku navela ku endla timhaka ta masangu. (Swivuriso 22:3) Hi xikombiso, leswaku munhu a tshama a basile emahanyelweni, i swa nkoka leswaku a papalata ku tihlanganisa ni vanhu lava nga yi xiximiki milawu ya Xikwembu leyi vulavulaka hi timhaka ta masangu. Bibele ya lemuxa yi ku: “Loyi a fambaka ni vanhu vo tlhariha u ta tlhariha, kambe loyi a tirhisanaka ni lavo hunguka, a swi nge n’wi fambeli kahle.”—Swivuriso 13:20.

Ku tshamela ku anakanya hi swilo leswi thyakeke swi nga endla leswaku munhu a tikhoma hi ndlela yo biha hi tlhelo ra rimbewu. (Varhoma 8:5, 6) Xisweswo, i vutlhari ku papalata vuyimbeleri, tivhidiyo, minkandziyiso ni nchumu wun’wana ni wun’wana lowu kombisaka timhaka ta masangu kumbe lowu hi ndlela yo karhi wu khutazaka swiendlo swa ku tikhoma hi ndlela yo biha hi tlhelo ra rimbewu, leswi hlundzukisaka Xikwembu.—Pisalema 101:3.

DYONDZA SWO TALA

Xana Swi Lulamile Ku Tshama Swin’we Mi Nga Tekananga?

Twana leswi Bibele yi swi vulaka hi ku rhandzana, ku hlanganyela timhaka ta masangu ni ku tshama swin’we.