Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xalamuka!  |  August 2013

Ta Rivala

Ta Rivala

United States

Siku ni siku, vanhu vo tlula 20 lava tshameke va va masocha le United States va tidlaya. N’hweti ni n’hweti, vanhu va kwalomu ka 950 lava tshameke va va masocha lava khathaleriwaka eka Ndzawulo ya Timhaka Ta Khale Ka Masocha le United States va ringeta ku tidlaya.

Chayina

Phepha-hungu ra China Daily ri ri: “Kwalomu ka hafu ya vatirhi va xisati lava nga tirheliki edorobeni ra rikwavo lava nga ni malembe ya le hansi ka 30 va tikile va nga si tekiwa, ku nga ku andza lokukulu eka nhlayo ya vamanana lava nga tekiwangiki [va le Chayina] loko ku ringanisiwa ni xitukulwana lexa ha ku hundzaka.” Vanhu va le Chayina ku vuriwa leswaku “a va yi tikiseli . . . mimpatswa leyi nga tekanangiki leyi tshamaka swin’we.”

Greece

Vuvabyi bya dari byi tlhela byi vuya le Greece, ku nga vuvabyi lebyi a byi hunguteke ngopfu etikweni rero hi 1974. Ku vuriwa leswaku swiphiqo swa ikhonomi ni ku hungutiwa ka mali leyi tirhisiwaka eswibedlhele swa hulumendhe hi swona swi endleke leswaku vuvabyi lebyi byi vuya.

Indiya

Nkambisiso wu kombise leswaku hambiloko ku landzeleriwa Xilungu swinene, vanhu lava endlaka 74 wa tiphesente lava vutisiweke va vule leswaku va ha tsakela ku hlawuleriwa munghana wa vukati ematshan’weni ya ku gangisana. Vanhu lava endlaka 89 wa tiphesente va tsakela ku tshama ni vatswari, vana ni maxaka ya vona ematshan’weni yo tshama ni vana va vona ntsena.

Italy

“Kereke [ya Khatoliki] a ya ha ri na matimba eYuropa leri fuweke ni le Amerika. Ndhavuko wa hina se i wa khale, tikereke ta hina i tikulu, tiyindlu ta tinani a ta ha ri na munhu naswona vulawuri bya Kereke byi kurile, mihivahivana ni swiambalo swa hina i swa ku tikurisa. . . . Kereke yi salele endzhaku hi malembe ya 200.”—Mbulavurisano na khadinali wa Khatoliki, Carlo Maria Martini, lowu humesiweke endzhaku ka ku fa ka yena hi phepha-hungu ra Corriere della Sera.