Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! MAY 2013

 MBULAVURISANO | RACQUEL HALL

Wansati Wa Muyuda A Tlhela A Kambisisa Ripfumelo Rakwe

Wansati Wa Muyuda A Tlhela A Kambisisa Ripfumelo Rakwe

Racquel Hall u velekiwe hi manana wa Muyuda wa le Israel ni tatana wa le Austria la hundzukeleke evukhongerini bya Xiyuda. Vakokwa wakwe lava velekeke mana wakwe fa va ri swirho swa vandlha ra tipolitiki ra Ma-Zionist lava rhurheleke eIsrael hi 1948, ku nga lembe leri tiko ra Israel ri kumeke ntshunxeko ha rona. Mutsari wa Xalamuka! u vutise Racquel leswaku i yini lexi n’wi susumeteleke ku kambisisa ripfumelo rakwe ra Xiyuda.

Hi hlamusele hi vutomi bya wena.

Ndzi velekiwe hi 1979 eUnited States. Loko ndzi ri ni malembe manharhu, vatswari va mina va dlaye vukati. Manana u ndzi kurise hi ku ya hi ndhavuko wa Xiyuda naswona u ndzi yise eswikolweni swa Xiyuda leswi vuriwaka yeshivas. Loko ndzi ri ni malembe ya nkombo, hi rhurhile hi ya tshama eIsrael ku ringana lembe naswona ndzi nghene xikolo emugangeni lowu vuriwaka kibbutz, laha vanhu va kona va tshamaka ni ku tirha swin’we. Endzhaku ka sweswo mina na Manana hi rhurhele eMexico.

Hambileswi a ku nga ri na kereke ya Xiyuda laha a hi tshama kona, a ndzi hlayisa mikhuva ya Xiyuda. A ndzi lumeka makhandlhela hi siku ra Savata, ndzi hlaya Torah ya hina ni ku khongela hi ku tirhisa buku ya swikhongelo leyi vuriwaka siddur. Exikolweni a ndzi tshamela ku byela swichudeni-kulorhi leswaku vukhongeri bya mina hi byona lebyi veke kona ku sungula. A ndzi nga si tshama ndzi hlaya xiphemu xa Bibele lexi hi ntolovelo xi vuriwaka Testamente Leyintshwa, lexi vulavulaka ngopfu hi vutirheli ni tidyondzo ta Yesu Kreste. Entiyisweni, Manana u ndzi lemukise leswaku ndzi nga xi hlayi hileswi a a chava leswaku tidyondzo ta xona ti nga ndzi onha miehleketo.

Ha yini u teke xiboho xo hlaya Testamente Leyintshwa?

Loko ndzi ri ni malembe ya 17, ndzi tlhelele eUnited States leswaku ndzi ya hetisa tidyondzo ta mina. Kwalaho, munhu un’wana loyi ndzi n’wi tivaka loyi a ndzi byeleke leswaku i Mukreste, u vule leswaku vutomi bya mina byi ta va byi nga helelanga loko ndzi nga pfumeli eka Yesu.

Ndzi te, “Vanhu lava pfumelaka eka Yesu va lahlekile.”

U ndzi vutise a ku, “Xana u tshame u yi hlaya Testamente Leyintshwa?”

 Ndzi te, “E-e.”

U te, “Kutani, xana i vutlhari ku pfumela nchumu lowu ni ku wu tiva u nga wu tiviki?”

Marito yakwe ma ndzi khumbe swinene hikuva a ndzi swi teka ku ri vuphukuphuku ku hlamula mhaka leyi ndzi nga yi tiviki. Leswi mhaka yoleyo yi ndzi khomiseke tingana, ndzi muke ni Bibele ya yena naswona ndzi sungule ku hlaya Testamente Leyintshwa.

Leswi u swi hlayeke swi ku khumbe njhani?

Lexi ndzi hlamariseke hileswi ndzi kumeke leswaku vatsari va Testamente Leyintshwa a ku ri Vayuda. Nakambe loko ndzi ya ndzi yi hlaya, ndzi ye ndzi twisisa leswaku Yesu a a ri ni musa, a a ri Muyuda loyi a titsongahataka loyi a a lava ku pfuna vanhu, ku nga ri ku va dyelela. Ndzi kale ndzi ya elayiburari leswaku ndzi ya lomba tibuku leti vulavulaka hi yena. Hambiswiritano, tibuku teto a ti ndzi khorwisanga leswaku a a ri Mesiya. Tin’wana ta tona ti kale ti vula leswaku Yesu i Xikwembu, ku nga mhaka leyi a yi nga twali eka mina. Loko swi ri tano, xana Yesu a a khongela eka mani—eka yena n’wini? Ku tlula kwalaho, Yesu u file. Kambe, loko Bibele yi vulavula hi Xikwembu yi ri: “[Wena] a wu fi.” *

U ti kume njhani tinhlamulo ta swivutiso sweswo?

Ntiyiso a wu tikaneti naswona a ndzi tiyimisele ku wu kuma. Kutani ndzi khongele eka Xikwembu hi mbilu hinkwayo ndzi ri karhi ndzi rila—a ku ri ro sungula ndzi khongela handle ko tirhisa siddur ya mina. Endzhakunyana ka loko ndzi hete ku khongela, ndzi twe ku gongondziwa enyangweni. Ndzi kume leswaku a ku ri Timbhoni timbirhi ta Yehovha. Ti ndzi nyike yin’wana ya tibuku ta tona leti ti yi tirhisaka ku dyondza Bibele. Buku yoleyo swin’we ni mabulo lawa hi veke na wona na tona loko ti ndzi endzela, swi ndzi khorwisile leswaku tidyondzo ta tona ti sekeriwe eBibeleni. Hi xikombiso, Timbhoni ti pfumela leswaku Yesu i “N’wana wa Xikwembu” * tlhelo “masungulo ya ntumbuluko wa Xikwembu,” * ku nga ri xiphemu xa Vunharhu-un’we.

Endzhakunyana ka sweswo, ndzi tlhelele eMexico, laha ndzi hambeteke ndzi dyondza ni Timbhoni malunghana ni vuprofeta lebyi vulavulaka hi Mesiya. Swi ndzi hlamarisile swinene ku tiva leswaku vuprofeta bya kona i matutu vana va ntavasi! Hambiswiritano, a ndza ha kanakana. Ndzi tivutisile ndzi ku: ‘Xana vuprofeta byebyo hinkwabyo byi hetiseke eka Yesu ntsena? Xana a a ngo tiendla Mesiya kambe a nga ri yena?’

I yini leswi ku khorwiseke?

Timbhoni ti ndzi kombe vuprofeta lebyi ku nga riki na munhu loyi a nga tiendlaka Mesiya loyi a nga endlaka leswaku byi hetiseka eka yena. Hi xikombiso, loko ka ha sale malembe yo tlula 700, muprofeta Mikiya u vule leswaku Mesiya a a ta velekeriwa eBetlehema le Yudiya. * I mani loyi a nga tihlawulelaka ndhawu leyi a lavaka ku velekeriwa eka yona? Esaya u tsale leswaku Mesiya a a ta dlayiwa tanihi xigevenga lexi vengiwaka, kambe a a ta lahliwa ni swigwili. * Vuprofeta lebyi hinkwabyo byi hetiseke eka Yesu.

Vumbhoni byo hetelela a byi katsa rixaka leri Yesu a a ta huma eka rona. Bibele yi vule leswaku Mesiya a a ta huma erixakeni ra Hosi Davhida. * Kutani leswi Vayuda va khale a va hlayisa tirhekhodo ta rixaka ta mani na mani ni ta xihundla, loko Yesu a a nga humi erixakeni ra Davhida, valala vakwe a va ta va va huwelele ha swona va ri emalwangwini ya tiyindlu ta vona. Kambe a va swi endlanga sweswo hikuva mhaka ya leswaku Yesu a a huma erixakeni ra Davhida a yi ri erivaleni. Mintshungu yi kale yi n’wi vitana “N’wana Davhida.” *

Hi 70 C.E. loko se ku hundze malembe ya 37 Yesu a file, mavuthu ya Rhoma ma lovise muti wa Yerusalema kutani tirhekhodo ta nxaxamelo wa rixaka ti lahlekile kumbe ti lovisiwile. Xisweswo, hi ku ya hi matimu ya xivongo, Mesiya a a fanele a humelela emahlweni ka 70 C.E.

Swi ku khumbe njhani ku tiva mhaka leyi?

Eka Deteronoma 18:18, 19, ku profetiwe leswaku Xikwembu a xi ta yimisa muprofeta wo fana na Muxe eIsrayele. Xikwembu xi vule leswaku un’wana ni un’wana loyi a “nga ta ka a nga yingisi marito ya mina lawa a nga ta ma vulavula hi vito ra mina, ndzi ta lava leswaku a ndzi hlamusela.” Dyondzo ya mina leyi enteke ya Bibele hinkwayo yi ndzi khorwise leswaku Yesu wa le Nazareta a a ri muprofeta.

^ ndzim. 17 Nhlavutelo 3:14, King James Version.

^ ndzim. 21 Esaya 9:6, 7; Luka 1:30-32. Matewu ndzima 1 yi hlamusela nxaxamelo wa maxaka ya rixaka ra tata wa Yesu, kasi Luka ndzima 3 yi hlamusela nxaxamelo wa maxaka ya rixaka ra mana wa yena.