Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! JANUARY 2013

 XANA BYI LO ENDLIWA?

Vuswikoti Bya Xinyenyana Lexi Vuriwaka Bar-Tailed Godwit

Vuswikoti Bya Xinyenyana Lexi Vuriwaka Bar-Tailed Godwit

XINYENYANA lexi xi teka rin’wana ra maendzo yo hlamarisa lawa vanhu a va nga ma tivi loko xi rhurhela endhawini yin’wana hi nguva yo karhi. Riendzo leri leheke 11 000 wa tikhilomitara ri nga xi tekela masiku yo tlula nhungu.

Xiya: Valavisisi va pfumela leswaku swinyenyana swin’wana swi tirhisa ti-magnetic field ta misava leswaku swi tiva ndlela leyi swi faneleke swi famba ha yona, onge hiloko swi ri ni khampasi ebyongweni bya swona. Swi nga endleka leswaku xinyenyana lexi xi pfuniwa hi dyambu leswaku xi tiva ndlela leyi xi faneleke xi famba ha yona ninhlikanhi kasi nivusiku xi pfuniwa hi tinyeleti. Swi tikomba onge xi tlhela xi tirhisa switwi swa xona ku twa loko ku ta va ni swidzedze leswi xi pfunaka leswaku xi haha hi rivilo lerikulu hileswi xi susumetiwaka hi mheho ya swona. Hambiswiritano, ndlela leyi rharhanganeke leyi xinyenyana lexi xi kotaka ku teka riendzo ra xona ro leha swinene yi hlamarisa valavisisi. Mutivi wa swilo leswi hanyaka Bob Gill u ri: “Ndzi ni malembe ya 20 ndzi ri karhi ndzi dyondza hi swinyenyana leswi, kambe ni sweswi swa ha ndzi hlamarisaka swinene.”

U anakanya yini? Xana vuswikoti byo tiva ndlela bya xinyenyana xa bar-tailed godwit byi lo tiendlekela kumbe byi lo endliwa?