Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! NOVEMBER 2012

Lava Mpfuno

Lava Mpfuno

Lava mpfuno eka maxaka ni le ka vanghana lava u va tshembaka

“Hi ni vanghana lavanene evandlheni ra ka hina. Va hi rhandza naswona va hi seketela. Va hi teka ku fana ni swirho swa ndyangu wa vona.”—LIZAAN, MANANA LOYI A NGA NI VANA VAMBIRHI.

Ntlhontlho.

Alina, manana wa swifanyetana swimbirhi u ri, “Mintlhontlho leyikulu leyi ndzi langutanaka na yona i ku karhala ni ku tshama ndzi nga ri na nkarhi.” Mintlhontlho yo tano yi tolovelekile eka vamanana lava nga voxe. Hi yona mhaka leyi vatswari vo tala lava nga voxe va tiakelaka xinghana ni vanhu van’wana lava nga kombelaka mpfuno eka vona handle ko khomiwa hi tingana.

Swiringanyeto.

Lava mpfuno eka maxaka ni le ka vanghana lava u va tshembaka. Ha yini u nga tsali mavito ya vanhu lava u nga kombelaka mpfuno eka vona, kumbexana va ku salela ni n’wana, va ku heleketa kun’wana hi movha, va ku lunghisela swin’wana endlwini kumbe va ku chavelela loko u ri ni gome? Tiyiseka leswaku tinomboro ta vona ta tinqingho a ti si cinca. Tlhela u kumisisa leswi minhlangano ya mfumo ni leyi nga riki ya mfumo yi nga ku pfunaka ha swona.

Renata, loyi a nga Mbhoni ya Yehovha, u pfuniwe ngopfu hi Vakreste-kulobye. U ri, “Minkarhi hinkwayo va tshama va lunghekele ku ndzi pfuna. Siku rin’wana loko mina ni swinhwanyetana swa mina swimbirhi leswi nga ni malembe ya kaye hi khomiwe hi mukhuhlwana, a ndzi tsandzeka ni ku sweka. Loko Vakreste-kulorhi va twe sweswo, a va hi tisela swakudya siku ni siku. Musa wo tano wu ndzi tsundzuxe marito lama nga eka 1 Yohane 3:18 lama nge: ‘Vana lavatsongo, a hi veni ni rirhandzu, ku nga ri hi marito kumbe ririmi, kambe hi swiendlo ni ntiyiso.’”

Xana mutswari lowun’wana a nga ku pfuna? Loko mutswari lowun’wana ngopfu-ngopfu tatana, a pfumeleriwa ku tshama ni n’wana, a ri ni vutihlamuleri naswona a tsakela ku ku pfuna, ha yini u nga n’wi kombeli leswaku a ku pfuna hi swin’wana? Phela, vana va swi lava ku va swin’we ni vatata wa vona. *

Dyondzisa vana va wena leswaku va ku pfuna. Loko u va nyika mintirho leyi fambisanaka ni malembe ya vona, wa tipfuna u tlhela u pfuna na vona. Ku tirha swi va dyondzisa ku va ni vutihlamuleri ni ku va vatirhi lavanene naswona sweswo swi ta va vuyerisa swinene loko se va kurile.

^ ndzim. 6 Vatswari lava nga Vakreste va fanele va tirhisa milawu ya Bibele hilaha va nga kotaka hakona ehansi ka swiyimo swo tano ni ku kumisisa leswi nga vuyerisaka vana va vona. Swiboho swa huvo swi fanele swi xiximiwa.