Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! SEPTEMBER 2012

 Xana Ti Lo Endliwa?

Tinhlampfi Leti Hlambelaka Ti Ri Ntlawa

Tinhlampfi Leti Hlambelaka Ti Ri Ntlawa

Timhangu ta timovha ti dlaya vanhu lava tlulaka miliyoni ni ku vavisa vanhu va kwalomu ka 50 wa timiliyoni lembe ni lembe. Kambe tinhlampfi ta timiliyoni ti nga hlambela swin’we tanihi ntlawa handle ko tlumbana. Ti swi kota njhani sweswo naswona i yini leswi ti nga hi dyondzisaka swona malunghana ni ndlela yo hunguta ku tlumbana ka timovha?

Xiya: Tinhlampfi leti hlambelaka ti ri ntlawa ti tirhisa mahlo ya tona ni xirho xo hlawuleka xa switwi lexi vuriwaka lateral line ku vona tindhawu leti nga eka tona. Ti tirhisa switwi sweswo leswaku ti xiya leswaku tinhlampfi ta mixaka yin’wana leti nga ekusuhi na tona ti le ka mpfhuka wo tanihi kwihi ivi ti hlambela hi ndlela leyi landzelaka:

  1. Ti hlambela ekusuhi na kusuhi. Ti hlambela hi rivilo leri fanaka ni ra tinhlampfi leti nga etlhelo ka tona naswona ti tshama ti pfule vangwa exikarhi ka tona.
  2. Ta tshinelelana. Ti tshinela ekusuhi ni tinhlampfi leti nga ekulenyana.
  3. Ti papalata ku tlumba tin’wana. Ti cinca ndlela leyi a ti famba ha yona leswaku ti papalata ku tlumba tinhlampfi ta mixaka yin’wana.

Hi ku tekelela tindlela teto tinharhu leti tirhisiwaka hi tinhlampfi leti hlambelaka tanihi ntlawa, khampani yin’wana yo endla timovha ya le Japani yi endle swimovhana swa tirhoboto leswi kotaka ku famba tanihi ntlawa handle ko tlumbana. Ematshan’weni yo tirhisa mahlo, swimovhana sweswo swi tirhisa thekinoloji yo vulavurisana; ematshan’weni yo tirhisa lateral line, swi tirhisa laser leyi swi byelaka loko ku ri ni swimovhana swin’wana leswi nga ekusuhi na swona. Vini va khampani yoleyo va tshemba leswaku thekinoloji leyi yi ta va pfuna leswaku va endla timovha leti nga “tlumbaniki,” leti nga “thyakisiki misava hi ku humesa tigasi leti nga ni khombo ni leti nga vangiki mphesamphesa ya timovha emagondzweni.”

Toshiyuki Andou, munjhiniyara-nkulu wa ntirho wo endla timovha leti nga tirhoboto, u te: “Hi kote ku kopa ndlela leyi switwi swa tinhlampfi leti hlambelaka ti ri ntlawa swi tirhaka ha yona [hi ku] tirhisa thekinoloji ya elektroniki ya manguva lawa. Hina lava endlaka timovha hi nga dyondza swilo swo tala eka ndlela leyi tinhlampfi teto ti hlambelaka ha yona.”

U anakanya yini? Xana tinhlampfi leti hlambelaka ti ri ntlawa ti lo tiendlekela kumbe ti lo endliwa?