Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! SEPTEMBER 2012

Swivutiso Swo Bula Ha Swona eNdyangwini

Swivutiso Swo Bula Ha Swona eNdyangwini

I Yini Leswi Hoxeke eXifanisweni Lexi?

Hlaya Luka 17:11-19. Hi swihi swilo swinharhu leswi hoxeke exifanisweni lexi? Tsala tinhlamulo ta wena eka tilayini leti nga laha hansi, kutani u hetisa xifaniso hi ku xi penda.

MHAKA YO BULA HA YONA:

I yini leswi munhu un’wana loyi a a ri ni nhlokonho a swi endleke leswi lavan’wana va nga swi endlangiki?

LEXI NGA KU PFUNAKA KU KUMA NHLAMULO: Hlaya Luka 17:15, 16.

U nga xi tekelela njhani xikombiso xakwe?

LEXI NGA KU PFUNAKA KU KUMA NHLAMULO: Hlaya Vakolosa 3:15; 1 Vatesalonika 5:18.

I mani loyi u faneleke u tsundzuka ku n’wi nkhensa siku ni siku?

LEXI NGA KU PFUNAKA KU KUMA NHLAMULO: Hlaya Pisalema 107:8; Yakobo 1:17.

LESWI NGA ENDLIWAKA EKAYA:

Kombela xirho ha xin’we xa ndyangu leswaku xi tsala xivangelo xin’we lexi endlaka xi tlangela Yehovha Xikwembu, xi tlangela xirho xin’wana endyangwini wa xona ni munghana wa xona lonene loyi a nga riki xirho xa ndyangu wa xona. Kutani tsala tindlela leti ha tona u nga kombisaka leswaku wa va tlangela vanhu volavo.

 Hlayisa Khadi Leri

KHADI RA BIBELE 21 MUXE

SWIVUTISO

A. Hi tihi tibuku ta Bibele leti Yehovha a huhuteleke Muxe leswaku a ti tsala?

B. Mavito ya vatswari va Muxe a ku ri ․․․․․ na ․․․․․. U tekiwe hi ․․․․․ ․․․․․.

C. Hetisa xiga lexi xa le Bibeleni: Muxe “[u hambete] a tserhama onge . . . ”

MATIMU

Muxe i munhu wo sungula eBibeleni loyi Xikwembu xi n’wi nyikeke matimba yo endla masingita naswona a a ri muprofeta wa Xikwembu tlhelo muavanyisi, munyiki wa nawu ni murhangeri wa le Israyele wa khale. Vaisrayele a va n’wi teka tanihi wanuna loyi a endleke swilo swo tala swo hlamarisa.—Deteronoma 34:10-12; Eksoda 4:1-9.

TINHLAMULO

A. Genesa, Eksoda, Levhitika, Deteronoma, Yobo swin’we na Pisalema 90 kumbexana na Pisalema 91.

B. Amirama, Yokebedi, n’wana wa Faro wa nhwanyana.—Eksoda 1:15–2:10; 6:20.

C. “. . . onge hiloko a vona Loyi a nga vonakiki.”—Vaheveru 11:27.

Vanhu Ni Matiko

4. Hi mina Mampionona. Ndzi ni malembe ya nhungu naswona ndzi tshama eMadagascar. I tingani Timbhoni ta Yehovha leti tshamaka eMadagascar? Xana i 10 000, 24 000 kumbe 62 000?

5. Hi rihi thonsi leri kombaka laha ndzi tshamaka kona? Ri tsondzele ivi u dirowa thonsi laha u tshamaka kona kutani u vona leswaku u le kusuhi ku fikela kwihi ni tiko ra Madagascar.

Vana Va Lava-lava Swifaniso

Xana u nga swi kuma swifaniso leswi enkandziyisweni lowu? Hi marito ya wena, hlamusela leswi humelelaka exifanisweni ha xin’we.

 TINHLAMULO TA SWIVUTISO LESWI NGA EKA MATLUKA 30 NA 31

  1.   Ku fanele ku va ni vavanuna va khume lava nga ni nhlokonho, ku nga ri vavanuna va 11.
  2.   Vanhu hinkwavo lava nga ni nhlokonho lava ku vulavuriwaka ha vona eka rungula leri a ku ri vavanuna.
  3.   Wanuna loyi a tlheleleke u fike “a wa hi xikandza xakwe emilengeni ya Yesu, a n’wi nkhensa.”
  4.   24 000.
  5.   B.