Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

XALAMUKA! NO. 1 2017

 XANA WU LO ENDLIWA?

Miri Wa Risokoti Ra Silivhere Ra Le Sahara Lowu Kotaka Ku Ri Sirhelela Eka Ku Hisa

Miri Wa Risokoti Ra Silivhere Ra Le Sahara Lowu Kotaka Ku Ri Sirhelela Eka Ku Hisa

RISOKOTI leri i rin’wana ra swivumbiwa leswi kotaka ku tiyiselela ku hisa ku tlula swo tala leswi nga kona laha misaveni. Loko valala va risokoti leri va tumbele emindzhutini hikwalaho ko twa ku hisa, risokoti leri ri tirhisa nkarhi wolowo leswaku ri tilavela swakudya swo tanihi hi switsotswana leswi dlayiweke hi dyambu.

[50] μm

Xiya: Miri wa risokoti leri wu ni swivoyana ehenhla ni le matlhelo ka wona leswi endlaka leswaku ri kota ku tiyisela ni loko dyambu ri vavula swinene. Swivoyana leswi nga eka (1 na 2), leswi endlaka leswaku miri wa rona wu va wa silivhere, swi ni xivumbeko lexi nga ni tinhla tinharhu hilaha xi kombisiweke hakona eka (3). U nga kota ku vona swivoyana sweswo hi ku tirhisa makhirosikopu, kasi miri wa rona wu olovile swinene. Sweswo swi ri pfuna hi tindlela timbirhi. Yo sungula, swivoyana sweswo swi yi sirhelela eka miseve ya dyambu ni le ka swilo swo hisa leswi nga ekusuhi na rona. Ya vumbirhi, swi endla leswaku miri wa rona wu nga twi ku hisa hambiloko ndhawu leyi ri nga eka yona yi hisa ngopfu. Kasi khwiri ra rona leri nga riki na swivoyana ri ri pfuna leswaku ri nga twi ku hisa loko ri ri enceleni. *

[10] μm

Swivoyana leswi nga emirini wa risokoti leri swi endla leswaku miri wa rona wu nga hisi ku tlula 53.6 wa tidigri, ku nga mpimo lowu ri nga ta ka ri nga swi koti ku wu tiyiselela. Hikwalaho ko lava ku tekelela vuswikoti bya risokoti leri, valavisisi va le ku ringeteni ka ku endla pende yo hlawuleka leyi nga ta kota ku hatla yi oma handle ko beriseriwa moya hi tifene kumbe michini yin’wana yo berisa moya.

U anakanya yini? Miri wa risokoti ra silivhere ra le Sahara lowu kotaka ku ri sirhelela eka ku hisa wu lo ti endlekela kumbe wu lo endliwa?

^ ndzim. 4 Swin’wana leswi ri pfunaka leswaku ri nga twi ku hisa i tiphrotheyini to hlawuleka leti nga emirini wa rona, milenge ya rona yo leha leyi endlaka ri kota ku tsutsuma ni ku fambela ehenhla loko sava ri hisa swin’we ni vuswikoti bya rona byo lava tindlela to tsemakanya to ri yisa laha ncele wa rona wu nga kona.