Ku ni Xikwembu xin’we xa ntiyiso naswona vito ra xona i Yehovha. (Pisalema 83:18) Xikwembu i Moya; a hi nge swi koti ku xi vona. Xa hi rhandza naswona xi lava leswaku na hina hi xi rhandza hi tlhela hi rhandza ni vanhu van’wana. (Matewu 22:35-40) Xi Tlakukile naswona i Muvumbi wa swilo hinkwaswo.

Xivumbiwa xo sungula xa Xikwembu a xi ri munhu wa moya la nga ni matimba naswona hi ku famba ka nkarhi xi tiveke hi vito leri nge Yesu Kreste. Yehovha u tlhele a vumba ni tintsumi.

Yehovha u vumbe swilo hinkwaswo leswi nga etilweni . . .  ni le misaveni. Nhlavutelo 4:11

Yehovha Xikwembu u vumbe tinyeleti, misava ni swilo leswi nga eka yona.​—Genesa 1:1.

U vumbe Adamu, wanuna wo sungula, hi ntshuri wa misava.—Genesa 2:7.