Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Yingisa Xikwembu Kutani U Hanya Hilaha Ku Nga Heriki

 XIPHEMU 3

Vutomi A Byi Ri Njhani eParadeyisini?

Vutomi A Byi Ri Njhani eParadeyisini?

Yehovha u nyike Adamu na Evha swilo swo tala leswinene. Genesa 1:28

Yehovha u vumbe wansati wo sungula ku nga Evha kutani a n’wi nyika Adamu leswaku a va nsati wakwe.—Genesa 2:21, 22.

Yehovha u va vumbe va ri ni miehleketo ni mimiri leyi hetisekeke.

Kaya ra vona ra Paradeyisi a ku ri ntanga wa Edeni—ndhawu leyi sasekeke swinene leyi a yi ri ni nambu ni mirhi leyi nga ni mihandzu ni swiharhi.

Yehovha a a vulavula na vona; a a va dyondzisa. Loko a va lo n’wi yingisa, a va ta hanya hilaha ku nga heriki eParadeyisini leyi a yi ri laha misaveni.

 Eka mirhi hinkwayo leyi a yi ri entangeni, a ku ri ni murhi wun’we lowu Xikwembu xi va byeleke leswaku va nga dyi eka wona. Genesa 2:16, 17

Yehovha u kombe Adamu na Evha murhi wun’wana entangeni kutani a va byela leswaku loko vo dya eka wona, va ta fa.

Yin’wana ya tintsumi teto yi xandzukele Xikwembu. Ntsumi yoleyo yo homboloka i Sathana Diyavulosi.

Yehovha u kombe Adamu na Evha murhi wun’wana entangeni kutani a va byela leswaku loko vo dya eka wona, va ta fa.

Sathana a a nga swi lavi leswaku Adamu na Evha va yingisa Yehovha. Kutani u tirhise nyoka ku xisa Evha leswaku loko o dya mbhandzu eka murhi wolowo a nge fi, kambe u ta fana ni Xikwembu. Kambe sweswo a ku ri mavunwa.—Genesa 3:1-5.