Maxangu lama nga kona emisaveni ma kombisa leswaku Mfumo wa Xikwembu wu ta teka goza ku nga ri khale. Luka 21:10, 11; 2 Timotiya 3:1-5

Bibele yi profete hi swilo swo tala leswi endlekaka namuntlha. Yi vule leswaku vanhu a va ta va varhandzi va mali, lava nga yingisiki vatswari, lava nga ni tihanyi ni lava rhandzaka mintsako.

Yi tlhele yi vula leswaku ku ta va ni ku tsekatseka lokukulu ka misava, tinyimpi, ku kayivela ka swakudya ni mavabyi. Swilo leswi swa endleka namuntlha.

Nakambe Yesu u vule leswaku mahungu lamanene ya Mfumo ma ta chumayeriwa emisaveni hinkwayo.—Matewu 24:14.

 Mfumo lowu wu ta herisa vuhomboloki hinkwabyo. 2 Petro 3:13

Ku nga ri khale Yehovha u ta lovisa vanhu hinkwavo vo homboloka.

Sathana ni madimona va ta xupuriwa.

Lava yingisaka Xikwembu va ta pona kutani va hanya emisaveni leyintshwa yo lulama, a va nge he chavi, va ta tshembana naswona va ta rhandzana.