Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

 XIPHEMU 4

Vuyelo Byi Ve Byihi Hikwalaho Ka Leswi Va Yingiseke Sathana?

Vuyelo Byi Ve Byihi Hikwalaho Ka Leswi Va Yingiseke Sathana?

Adamu na Evha va file hileswi va nga xi yingisangiki Xikwembu. Genesa 3:6, 23

Evha u yingise nyoka kutani a dya mbhandzu. Endzhaku ka sweswo, u nyike na Adamu, hiloko a dya.

Leswi va swi endleke a swi hoxile—a ku ri xidyoho. Xikwembu xi va hlongorile ekaya ra vona ra Paradeyisi.

Vona swin’we ni vana va vona a va koka exilogweni. Va dyuharile kutani va fa. A va yanga exivandleni xa moya; va file.

 Vafi a va hanyi, va fana ni ntshuri. Genesa 3:19

Hinkwerhu ha fa hikwalaho ka leswi hi nga vana va Adamu na Evha. Vafi a va voni, a va twi naswona a va koti ku endla nchumu.—Eklesiasta 9:5, 10.

Xikongomelo xa Yehovha hi vanhu a ku nga ri leswaku va fa. Ku nga ri khale u ta pfuxa lava feke. Loko va n’wi yingisa va ta hanya hilaha ku nga heriki.