Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Xana Vafi Va Ta Tlhela Va Hanya Hakunene?

Xana Vafi Va Ta Tlhela Va Hanya Hakunene?

Xana u nga vula u ku . . .

  • ina?

  • nikatsongo?

  • kumbexana?

 LESWI BIBELE YI SWI VULAKA

“Ku ta va ni ku pfuxiwa.”—Mintirho 24:15, Vuhundzuluxeri Bya Misava Leyintshwa.

NDLELA LEYI SWESWO SWI NGA KU VUYERISAKA HA YONA

Wa chaveleleka loko u feriwa hi loyi u n’wi rhandzaka.—2 Vakorinto 1:3, 4.

Wa ntshunxeka eka ku chava rifu.—Vaheveru 2:15.

U va ni ntshembo wa xiviri wa ku tlhela u hlanganisiwa ni varhandziwa va wena lava feke.—Yohane 5:28, 29.

 XANA HI NGA SWI TSHEMBA HAKUNENE LESWI BIBELE YI SWI VULAKA?

Ina, hikwalaho ka swivangelo swinharhu:

  • Xikwembu i Munyiki wa vutomi. Bibele yi vula leswaku Yehovha Xikwembu i “xihlovo xa vutomi.” (Pisalema 36:9; Mintirho 17:24, 25) Loyi a nyikaka xivumbiwa xin’wana ni xin’wana lexi hanyaka vutomi, u ni vuswikoti byo pfuxa lava feke.

  • Xikwembu xi pfuxe vanhu enkarhini lowu nga hundza. Bibele yi vulavula hi vanhu va nhungu lava nga pfuxiwa ku nga vana lavatsongo, vanhu lavakulu, va xinuna ni va xisati. Van’wana a va ha ku fa, kambe un’wana se a ri ni masiku ya mune a ri esirheni!—Yohane 11:39-44.

  • Xikwembu xi tiyimisele ku tlhela xi swi endla. Yehovha wa ri venga rifu; u ri teka tanihi nala. (1 Vakorinto 15:26) U “navela” ku n’wi hlula nala loyi, a n’wi herisa hi ku pfuxa lava feke. U navela ku pfuxa hinkwavo lava nga emianakanyweni ya yena ni ku tlhela a va vona va hanya.—Yobo 14:14, 15.

 XIVUTISO XO ANAKANYISISA HA XONA

Ha yini hi dyuhala hi tlhela hi fa?

Bibele yi hlamula xivutiso xexo eka GENESA 3:17-19 na VARHOMA 5:12.