Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Tshinela Eka Yehovha

Rito Ro Rhanga

Rito Ro Rhanga

Eka Muhlayi:

Xana u titwa u ri ekusuhi ni Xikwembu? Vanhu vo tala va vona sweswo swi ri norho ntsena. Van’wana va ehleketa leswaku xi le kule ngopfu; van’wana va tivona va nga ri nchumu nikatsongo. Kambe, Bibele ya hi khongotela hi rirhandzu: “Tshinelani eka Xikwembu, kutani xi ta tshinela eka n’wina.” (Yakobo 4:8) Xi tlhela xi tiyisekisa vagandzeri va xona xi ku: “Mina, Yehovha Xikwembu xa wena, ndzi khoma voko ra wena ra xinene, yena Loyi a ku byelaka a ku, ‘U nga chavi. Mina ndzi ta ku pfuna.’”—Esaya 41:13.

Xana hi nga swi kotisa ku yini ku tshinela eka Xikwembu hi ndlela yoleyo? Vunghana byin’wana ni byin’wana lebyi hi byi endlaka byi sungula hi ku tiva munhu loyi hi endlaka vunghana na yena, ni ku rhandza timfanelo takwe. Swi tano ni hi timfanelo ni tindlela ta Xikwembu, hilaha ti paluxiweke hakona eBibeleni, i ta nkoka lerova ti fanele ti kambisisiwa. Loko ho ehleketisisa hi ndlela leyi Yehovha a yi tirhisaka ha yona mfanelo yin’wana ni yin’wana yakwe, hi vona ndlela leyi Yesu Kreste a ti tekeleleke ha yona timfanelo leti hilaha ku hetisekeke, ni ku tiva ndlela leyi na hina hi nga ti hlakulelaka ha yona, sweswo swi ta hi tshineta ekusuhi ni Xikwembu. Hi ta swi vona leswaku Yehovha hi yena a nga Hosi ya vuako hinkwabyo. Tlhandlakambirhi, i Tatana loyi hinkwerhu ka hina hi lavaka ku va vana va yena. Leswi a nga ni matimba, a lulameke, a tlhariheke naswona a nga ni rirhandzu, a nge va fularheli vana vakwe vo tshembeka.

Onge buku leyi yi nga ku pfuna leswaku u tshinela ekusuhi ngopfu na Yehovha Xikwembu, u va munghana wa yena hilaha ku nga heriki, leswaku u ta hanyela ku n’wi dzunisa.

Vakandziyisi