Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

“Tihlayiseni eRirhandzwini Ra Xikwembu”

 XIENGETELO

Ku Tlhantlha Swiphiqo eTimhakeni Ta Mabindzu

Ku Tlhantlha Swiphiqo eTimhakeni Ta Mabindzu

Hilaha swi hlamuseriweke hakona eka 1 Vakorinto 6:1-8, muapostola Pawulo u hlamusela timhaka leti khumbaka ku mangalelana ka Vakreste. U hele matimba leswi Vakreste van’wana eKorinto va ‘xinyateke va ya ehubyeni emahlweni ka vanhu lava nga lulamangiki.’ (Ndzimana 1) Pawulo u nyike swivangelo leswi twalaka swa leswaku ha yini Vakreste va nga fanelanga va mangalelana etihubyeni kambe va fanele ku tlhantlha swiphiqo swa vona evandlheni. A hi kambisiseni swivangelo swin’wana leswi endleke leswaku Pawulo a nyika ndzayo leyi hi tlhela hi hlamusela swiyimo swi nga ri swingani leswi ndzayo leyi yi nga swi hlamuselangiki.

Loko hi va ni xiphiqo lexi khumbaka timhaka ta bindzu ni Mukreste-kulorhi, hi fanele ku lava tindlela to xi tlhantlha hi ku landza milawu ya Yehovha ku nga ri hi tindlela ta hina. (Swivuriso 14:12) Hilaha Yesu a kombiseke hakona, swa antswa ku nga veketeli mhaka kukondza yi nga ha tlhantlheki. (Matewu 5:23-26) Khombo ra kona, Vakreste van’wana va holova lerova va ya mangalelana ehubyeni. Pawulo u te: “Swi vula leswaku mi hlulekile hi ku helela leswi mi mangalelanaka.” Ha yini? Xivangelo xa nkoka hileswaku sweswo swi tisa ndzhukano eka vandlha ni le vitweni ra Xikwembu lexi hi xi gandzelaka. Hikwalaho hi fanele hi anakanyisisa hi xivutiso lexi Pawulo a xi vutiseke loko a ku: “Ha yini mi nga pfumeli ku dyeleriwa?”—Ndzimana 7.

Pawulo u tlhele a hlamusela leswaku Xikwembu xi hlele leswaku ku va ni lunghiselelo ro tlhantlha swiphiqo swo hambana-hambana evandlheni. Vakulu i vavanuna lava nga ni vutivi bya Matsalwa evandlheni naswona Pawulo u vule leswaku va “kota ku avanyisa exikarhi ka vamakwavo” loko swi ta ‘etimhakeni leti khumbaka vutomi lebyi.’ (Tindzimana 3-5) Yesu u vule leswaku timholovo leti khumbaka swidyoho leswikulu swo kota ku lumbetana ni vukanganyisi, ti fanele ti lulamisiwa hi ku teka magoza manharhu: ro sungula, i ku ringeta ku lunghisa mholovo mi ri vambirhi; loko swi tsandzile, ku landzela goza ra vumbirhi, ku nga ku ta ni mbhoni yin’we kumbe timbirhi; loko  magoza lamambirhi ma tsandzekile, ku landzela ra vunharhu, ku nga ku yisa mhaka eka vakulu.—Matewu 18:15-17.

I ntiyiso leswaku vakulu evandlheni a hi magqweta kumbe van’wamabindzu naswona a swi kali swi lava leswaku va tiva nawu kumbe timhaka ta mabindzu. A va veki milawu leyi vamakwerhu va faneleke va yi landzela loko swi ta eka timholovo leti khumbaka timhaka ta bindzu. Ku ri na sweswo, va lava ku pfuna vamakwavo leswaku va tirhisa ndzayo ya Matsalwa nileswaku va tlhantlha swiphiqo swa vona hi ku rhula. Eka swiyimo leswi rharhanganeke ngopfu, va nga ha vutisa mulanguteri wa xifundzha kumbe rhavi ra Timbhoni ta Yehovha. Kambe ku ni swiyimo swin’wana leswi nga hlamuseriwangiki hi ndzayo leyi Pawulo a yi nyikeleke. Xana hi swihi swiyimo swa kona?

Eka swiyimo swin’wana, ku yisa mhaka ehubyeni ya tiko, ku ngo va xiendlo lexi nga enawini xo hetisisa swilaveko swo karhi handle ka vutianakanyi kumbe leswaku ku ta va ni ku rhula. Hi xikombiso, ku ya ehubyeni ku nga ha va ndlela yi ri yoxe yo kota ku hakeriwa mali ya ndzindza-khombo, ku kuma maphepha yo dlaya vukati, ku nyikiwa lunghelo ro kurisa vana, ku kuma mali yo sapota, ku tsarisiwa tanihi munhu la kolotiwaka eka bindzu leri weke ri kolota mali ni leswaku ku ta tiyisekisiwa leswaku hi wena mudyandzhaka wa xuma xo karhi. Ku ni swiyimo laha makwerhu a nga ha titwaka a boheka ku mangalela lava n’wi mangaleleke leswaku a ta tisirhelela ehubyeni. *

Loko ku mangala ko tano ku nga endliwi hikwalaho ko lava ku tirihisela, a ku nge tluli marito lama huhuteriweke lama vuriweke hi Pawulo. * Hambiswiritano, Mukreste ha un’we u fanele a tiyimisela ku kwetsimisa vito ra Yehovha ni ku kondletela ku rhula ni vun’we evandlheni. Vakreste va tiveka hi ku va ni rirhandzu naswona “rirhandzu . . . a ri lavi leswi vuyerisaka rona ntsena.”—1 Vakorinto 13:4, 5; Yohane 13:34, 35.

^ ndzim. 2 Eka swiyimo swin’wana leswi nga taliki ku va kona, Mukreste a nga ha dyohela Mukreste-kulobye hi ndlela yo biha swinene, yo fana ni ku pfinya, ku hlasela, ku dlaya kumbe ku yiva swilo swa nkoka. Loko swi ri tano, a swi bihanga ku mangala mhaka leyi emaphoriseni, hambileswi ku endla tano swi nga ta endla leswaku mi ya humelela ehubyeni.

^ ndzim. 3 Loko u lava rungula leri engetelekeke, vona Xihondzo xo Rindza xa March 15, 1997, matluka 17-22, ni xa October 15, 1991, matluka 25-8.

 

DYONDZA SWO TALA

Xana U Kombisa Moya Wa Njhani?

Hi nga endla yini leswaku hi va ni ku rhula ni van’wana? Dyondza eka swikombiso leswinene ni leswo biha leswi tsariweke eBibeleni.