Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

“Tihlayiseni eRirhandzwini Ra Xikwembu”

Papila Leri Humaka Eka Huvo Leyi Fumaka

Papila Leri Humaka Eka Huvo Leyi Fumaka

Eka Murhandzi Wa Yehovha La Rhandzekaka:

Yesu u te: “Mi ta tiva ntiyiso, kutani ntiyiso wu ta mi ntshunxa.” (Yohane 8:32) Marito wolawo ma khutaza hakunene! Ina, swa koteka ku tiva ntiyiso ni le ‘masikwini lawa yo hetelela,’ laha vanhu va hanyaka hi mavunwa. (2 Timotiya 3:1) Xana wa ha tsundzuka loko u wu twa ro sungula ntiyiso lowu humaka eRitweni ra Xikwembu? A wu tsake ngopfu!

Hambileswi swi nga swa nkoka ku va ni vutivi lebyi kongomeke bya ntiyiso ni ku hambeta hi byela van’wana hi byona, hi fanele hi tlhela hi hanya hi ku pfumelelana ni byona. Leswaku hi endla tano, hi fanele hi tshama hi ri lava rhandzekaka eka Xikwembu. Xana sweswo swi katsa yini? Nhlamulo yi kumeka eka marito lawa Yesu a ma vuleke evusikwini byo hetelela loko a nga si fa. U byele vaapostola va yena vo tshembeka a ku: “Loko mi hlayisa swileriso swa mina, mi ta tshama erirhandzwini ra mina, tanihi leswi ndzi hlayiseke swileriso swa Tatana ivi ndzi tshama erirhandzwini rakwe.”—Yohane 15:10.

Xiya leswaku Yesu u tshame erirhandzwini ra Xikwembu hi ku hlayisa swileriso swa Tata wa yena. Na hina hi fanele hi endla tano. Leswaku hi tshama erirhandzwini ra Xikwembu, hi fanele hi hanya hi ku pfumelelana ni ntiyiso siku rin’wana ni rin’wana. Byona vusiku byebyo, Yesu u te: “Loko mi tiva swilo leswi, ma tsaka loko mi swi endla.”—Yohane 13:17.

Hi tshemba leswaku buku leyi yi ta ku pfuna leswaku u hambeta u hanya hi ku pfumelelana ni ntiyiso, xisweswo u tihlayisa ‘erirhandzwini ra Xikwembu, u ri ni ntshembo wo kuma vutomi lebyi nga heriki.’—Yudha 21.

Huvo Leyi Fumaka Ya Timbhoni Ta Yehovha