Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

U Nga Va Ni Ndyangu Lowu Tsakeke

 XIYENGE 9

Gandzelani Yehovha Tanihi Ndyangu

Gandzelani Yehovha Tanihi Ndyangu

“Gandzelani Loyi a endleke tilo ni misava.”—Nhlavutelo 14:7

Hilaha mi dyondzeke hakona eka broxara leyi, Bibele yi ni milawu yo tala leyi kongomisaka leyi nga mi pfunaka tanihi ndyangu. Yehovha u lava leswaku mi tsaka. U tshembisa leswaku loko mi rhangisa vugandzeri bya yena, “swilo leswin’wana hinkwaswo mi ta engeteleriwa swona.” (Matewu 6:33) Hakunene u lava leswaku mi va vanghana va yena. Tirhisani nkarhi wun’wana ni wun’wana leswaku mi hlakulela ku va vanghana va Xikwembu. Leri i lunghelo lerikulu leri munhu a nga vaka na rona.—Matewu 22:37, 38.

 1 TIYISANI VUXAKA BYA N’WINA NA YEHOVHA

LESWI BIBELE YI SWI VULAKA: “‘Ndzi ta va tata wa n’wina, kutani n’wina mi ta va vana va mina va majaha ni va vanhwanyana,’ ku vula Yehovha.” (2 Vakorinto 6:18) Xikwembu xi lava leswaku mi va vanghana va xona lavakulu. Xikhongelo i ndlela yin’wana yo endla tano. Yehovha wa mi rhamba leswaku mi ‘khongela minkarhi hinkwayo.’ (1 Vatesalonika 5:17) U tiyimisele ku twa ndlela leyi mi titwaka ha yona ni leswi swi mi karhataka. (Vafilipiya 4:6) Loko mi khongela swin’we tanihi ndyangu, swi ta va erivaleni leswaku Xikwembu i xa xiviri eka n’wina.

Ku engetela eka ku vulavula ni Xikwembu, mi fanele mi tlhela mi xi yingisa. Mi nga endla tano hi ku dyondza Rito ra xona ni minkandziyiso leyi sekeriweke eBibeleni. (Pisalema 1:1, 2) Anakanyisisani hi leswi mi swi dyondzaka. (Pisalema 77:11, 12) Ku yingisa Xikwembu swi katsa ni ku va minkarhi hinkwayo mi va kona eminhlanganweni ya Vukreste.—Pisalema 122:1-4.

Ku vulavula ni van’wana hi Yehovha i ndlela yin’wana ya nkoka yo tiyisa vuxaka bya n’wina na yena. Loko mi titoloveta ku endla leswi, mi ta ya mi titwa mi ri ekusuhi swinene na yena.—Matewu 28:19, 20.

LESWI MI NGA SWI ENDLAKA:

  • Tivekeleni nkarhi siku ni siku wa ku hlaya Bibele ni wo khongela

  • Tanihi ndyangu, rhangisani mintirho ya moya eka vuhungasi

2 TSAKELANI VUGANDZERI BYA N’WINA BYA NDYANGU

LESWI BIBELE YI SWI VULAKA: “Tshinelani eka Xikwembu, kutani xi ta tshinela eka n’wina.” (Yakobo 4:8) Mi fanele mi veka siku leri mi nga ta va ni vugandzeri bya ndyangu ha rona mi tlhela mi tiyiseka leswaku ma byi endla nkarhi na nkarhi. (Genesa 18:19) Kambe ku katseka swo tala. Xikwembu xi fanele xi va xa nkoka evuton’wini bya n’wina. Tiyisani vuxaka bya ndyangu wa n’wina hi ku vulavula ni Xikwembu ‘loko mi tshama endlwini ya n’wina, loko mi famba egondzweni, loko mi etlela niloko mi pfuka.’ (Deteronoma 6:6, 7) Tiyimiseleni ku fana na Yoxuwa loyi a nga te: “Loko ku ri mina ni vandyangu wa mina, hi ta tirhela Yehovha.”—Yoxuwa 24:15.

LESWI U NGA SWI ENDLAKA:

  • Nkarhi na nkarhi vana ni tindlela to dyondzisa naswona u swi tekela enhlokweni swilaveko swa xirho xin’wana ni xin’wana xa ndyangu wa wena

DYONDZA SWO TALA

I Yini Vugandzeri Bya Ndyangu?

Xiya ndlela leyi lunghiselelo leri ri nga ku pfunaka ha yona leswaku u tshinela eka Yehovha ni ku tiyisa vuxaka bya ndyangu wa wena.

Hlakulelani Ku Va Vanhu Va Moya Tanihi Mpatswa

Ku tivekela nkarhi wo dyondza Bibele swin’we swi nga antswisa vukati bya n’wina.

Ndlela Yo Va Ni Ndyangu Lowu Tsakeke

Rirhandzu leri Yesu a ri kombiseke i xikombiso lexi vavanuna, vavasati, vatswari ni vana va nga xi tekelelaka. I yini leswi hi nga swi dyondzaka eka yena?