Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

U Nga Va Ni Ndyangu Lowu Tsakeke

 XIYENGE 4

Ndlela Yo Tirhisa Mali

Ndlela Yo Tirhisa Mali

“Makungu ma simekiwa ma tiya hi xitsundzuxo.”—Swivuriso 20:18

Hinkwerhu ha yi lava mali leswaku hi ta xavela swirho swa mindyangu ya hina leswi swi swi lavaka. (Swivuriso 30:8) Phela, ‘mali i xisirhelelo.’ (Eklesiasta 7:12) Swi nga ha tika ku va mi bula hi mali tanihi vatekani, kambe mi nga yi pfumeleli yi vanga swiphiqo evukatini bya n’wina. (Vaefesa 4:32) Vatekani va fanele va tshembana ni ku khomisana loko va endla xiboho xa ndlela leyi mali va nga ta yi tirhisa ha yona.

 1 HLELANI HI VUKHETA

LESWI BIBELE YI SWI VULAKA: “I mani eka n’wina loyi loko a lava ku aka xihondzo a nga rhangiki a tshama ehansi a hlayela ntsengo, a vona loko wu ringene ku xi heta?” (Luka 14:28) I swa nkoka leswaku mi bula hi ndlela leyi mi nga ta yi tirhisa ya yona mali ya n’wina. (Amosi 3:3) Pfumelelanani hi leswi mi lavaka ku swi xava ni mali leyi mi tiyimiseleke ku yi tirhisa. (Swivuriso 31:16) Loko u ri ni mali yo xava swo karhi a swi vuli swona leswaku u fanele u swi xava. Ringetani ku papalata swikweleti. Tirhisani mali leyi mi nga na yona ntsena.—Swivuriso 21:5; 22:7.

LESWI U NGA SWI ENDLAKA:

  • Loko mi salele hi mali yo karhi eku heleni ka n’hweti, hlelani swin’we leswaku mi ta endla yini hi yona

  • Loko mi kolota swo karhi, hungutani leswi mi swi xavaka. Hi xikombiso, mi nga ha tiswekela swakudya ematshan’weni yo ya dya exitolo

 2 U NGA TUMBETI NCHUMU NASWONA AMUKELA XIYIMO

LESWI BIBELE YI SWI VULAKA: “Endla lunghiselelo ro tshembeka, ku nga ri ntsena emahlweni ka Yehovha, kambe ni le mahlweni ka vanhu.” (2 Vakorinto 8:21) Byela nkataku leswaku u hola mali muni ni leswaku u tirhisa mali muni.

Minkarhi hinkwayo bulani hi ndlela leyi mi nga ta tirhisa mali ya n’wina ha yona. (Swivuriso 13:10) Loko mi burisana hi swilo leswi khumbaka mali swi ta mi pfuna leswaku mi tshama mi ri ni ku rhula evukatini bya n’wina. Teka muholo wa wena tanihi mali ya ndyangu ku nga rimali ya wena.—1 Timotiya 5:8.

LESWI U NGA SWI ENDLAKA:

  • Pfumelelanani hi mali leyi un’wana ni un’wana wa n’wina a nga yi tirhisaka handle ko va mi burisana

  • Mi nga rindzeli leswaku ku va ni xiphiqo ku ri kona mi nga ta bula hi swilo leswi khumbaka mali

DYONDZA SWO TALA

Xana Bibele Yi Nga Ku Pfuna Loko U Ri Ni Swiphiqo Swa Timali Ni Swikweleti?

Mali a yi nge endli leswaku munhu a tsaka, kambe milawu ya mune ya le Bibeleni yi nga ku pfuna etimhakeni ta wena ta timali.

Ndlela Leyinene Yo Tirhisa Mali

Mi nga rindzi mali yi kala yi hela ku ri kona mi nga ta bula hi ndlela leyi mi nga yi tirhisaka ha yona. Dyondzani ndlela leyi mi nga yi tirhisaka ha yona mali ya n’wina yi nga si mi vangela swiphiqo.

Xana Ndzi Fanele Ndzi Lomba Mali?

Vutlhari bya Bibele byi nga ku pfuna leswaku u teka xiboho.