Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Mfumo Wa Xikwembu Wa Fuma!

Eximatsini: Mphalalo lowu humaka eSwitzerland lowu rhumeriweke vamakwerhu va hina va le Jarimani hi 1945; Exineneni: Va tlhela va aka Holo ya Mfumo eJapani endzhaku ka tsunami hi 2011

 XIYENGE 6

Ku Seketela Mfumo—Ku Aka Tindhawu To Gandzela Eka Tona Ni Ku Pfuneta Hi Mphalalo

Ku Seketela Mfumo—Ku Aka Tindhawu To Gandzela Eka Tona Ni Ku Pfuneta Hi Mphalalo

U YA eHolweni ya n’wina ya Mfumo naswona wo yi fanisela kunene. Minkarhi hinkwayo a wu tinyungubyisa hi muako lowu. U nga ha va u ri ni minkarhi yo tsakisa leyi u yi tsundzukaka ya loko u ri karhi u pfuneta eku yi akeni eka malembe lama hundzeke. Kambe, sweswi u tinyungubyisa swinene hi ndlela leyi Holo ya Mfumo yi hundzuriweke ndhawu ya mphalalo ya nkarhinyana. Endzhaku ka loko xidzedze lexi veke kona sweswinyana xi vange ndhambi exifundzheni xa ka n’wina, hi ku hatlisa Komiti ya Rhavi yi hlele leswaku vanhu lava weriweke hi mhangu va kuma swakudya, swiambalo, mati lama tengeke ni mpfuno wun’wana. Wu hleriwe hi vukheta mphalalo lowu vamakwerhu va wu nyikeleke. Vamakwerhu va ta va ta teka leswi va swi lavaka naswona minkarhi yo tala va ri karhi va xiririka mihloti ya ntsako.

Yesu u vule leswaku mfungho lowu xiyekaka wa vanhu vakwe a ku ta va ndlela leyi va rhandzanaka ha yona. (Yoh. 13:34, 35) Eka xiyenge lexi hi ta tlhuvutsa ndlela leyi rirhandzu ra Vukreste ri kombisiwaka ha yona loko ku ri ni matsima yo aka ni matshalatshala lama endliwaka hi Timbhoni ta Yehovha leswaku ti pfuneta hi mphalalo. Swiendlo swoleswo hinkwaswo swa rirhandzu i vumbhoni lebyi nga ­erivaleni bya leswaku hi hanya ehansi ka Mfumo wa Yesu.

EKA XIYENGE LEXI

NDZIMA 18

Ndlela Leyi Mintirho Ya Mfumo Yi Seketeriwaka Ha Yona Hi Timali

Xana mali leyi yi huma kwihi? Xana yi tirhisiwa njhani?

NDZIMA 19

Ntirho Wo Aka Lowu Yisaka Ku Dzuneka Eka Yehovha

Tindhawu to gandzela eka tona ti yisa ku dzuneka eka Xikwembu, kambe ku ni nchumu wun’wana lowu xi wu tekaka wu ri wa nkoka swinene.

NDZIMA 20

Ntirho Wo Phalala Wu Yisa Ku Dzuneka Eka Yehovha

Hi swi tivisa ku yini leswaku ntirho wo phalala i xiphemu xa ntirho wa hina wo kwetsima lowu yaka eka Yehovha?