Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Mfumo Wa Xikwembu Wa Fuma!

Eximatsini: Makwerhu wa xisati wa le Alabama, le U.S.A., a ri karhi a tlanga nkulumo leyi rhekhodiweke ya Makwerhu Rutherford, eku heleni ka va-1930; Exineneni: Switzerland

 XIYENGE 1

Ntiyiso Malunghana Ni Mfumo—Ku Phamela Swakudya Swa Moya

Ntiyiso Malunghana Ni Mfumo—Ku Phamela Swakudya Swa Moya

U VONA xichudeni xa wena xa Bibele xi tsaka loko xi twisisa nhlamuselo ya tsalwa leri ma ha ku hetaka ku ri hlaya swin’we. Hi ku nonoka, xi ku, “Xana u vula leswaku Bibele yi dyondzisa leswaku hi ta hanya eParadeyisini hilaha ku nga heriki—laha misaveni?” Makwerhu loyi u fambaka na yena ensin’wini wa n’wayitela kutani a ku, “I yini leswi u swi twisiseke loko u hlaya Bibele?” Hi ku hlamala, xichudeni xi hlakahla nhloko kutani xi ku, “A ndzi kholwi leswaku a ndzi si tshama ndzi dyondzisiwa hi mhaka leyi!” Wa swi tsundzuka leswaku xi tshama xi vula marito yo fana ni wolawo eka mavhiki ma nga ri mangani lama hundzeke, loko xi sungula ku twa leswaku vito ra Xikwembu i Yehovha.

Xana u tshame u hlangana ni xichudeni xo fana ni xexo? Vanhu vo tala va Xikwembu va hlangane ni xichudeni xo tano. Swilo swi nga ri swingani swi nga hi tsundzuxa nyiko ya risima leyi hi nyikiweke yona—ku nga vutivi bya ntiyiso! Ehleketisisa hi mhaka leyi: Xana u yi kume njhani nyiko yoleyo? Eka xiyenge lexi, hi ta tlhuvutsa xivutiso xexo. Ndlela leyi vanhu va Xikwembu va pfuniweke ha yona hakatsongo-tsongo ku twisisa ntiyiso i vumbhoni bya leswaku Mfumo wa Xikwembu i wa xiviri. Se ku hele dzana ra malembe, Hosi ya wona, Yesu Kreste, yi ri karhi yi tiyisekisa leswaku vanhu va Xikwembu va dyondzisiwa ntiyiso.

EKA XIYENGE LEXI

NDZIMA 3

Yehovha A Paluxa Xikongomelo Xakwe

Xana Mfumo a wu ri xiphemu xa xikongomelo xo sungula xa Xikwembu? Xana Yesu u wu paluxe njhani Mfumo?

NDZIMA 4

Yehovha U Vangamisa Vito Rakwe

I yini leswi Mfumo wolowo wu swi hetisiseke malunghana ni vito ra Xikwembu? Xana u nga katseka njhani eku kwetsimisiweni ka vito ra Yehovha?

NDZIMA 5

Hosi Yi Paluxa Ntiyiso Malunghana Ni Mfumo

Dyondza hi Mfumo wa Xikwembu, vafumi va xona ni lava fumiwaka hi wona ni leswi ku tshembeka swi vulaka swona.