Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Mfumo Wa Xikwembu Wa Fuma!

Eximatsini: Makwerhu a ri karhi a khomiwa hikwalaho ko chumayela eEindhoven, le Netherlands, hi 1945; Exineneni: Xana mfanelo ya ku chumayela yi tekeriwa enhlokweni endhawini leyi u tshamaka eka yona?

 XIYENGE 4

Ku Hlula Ka Mfumo—Ku Simekiwa Ka Mahungu Lamanene Hi Nawu

Ku Hlula Ka Mfumo—Ku Simekiwa Ka Mahungu Lamanene Hi Nawu

LOKO mi ri karhi mi chumayela hi yindlu ni yindlu, mi twa bele leyi rilaka ekule. Mpfumawulo wa yona wu ya wu twakala swinene. Loko u sungula ku vulavula ni n’wini wa muti lowu landzelaka, loyi u chumayelaka na yena wa kavanyeteka loko movha wa maphorisa wu yima. Ku huma phorisa emovheni kutani ri mi tshinelela, ivi ri vutisa ri ku: “Xana hi n’wina vanhu lava fambaka hi muti ni muti mi ­vulavula hi Bibele? Vanhu va vilela hi n’wina!” Mi hlamula hi xichavo, kutani mi vula leswaku mi ­Timbhoni ta Yehovha. Xana ku ta endleka yini endzhaku ka sweswo?

Lexi hlamarisaka swinene, leswi swi titshege hi matimu. Eka malembe lama hundzeke, xana hulumendhe ya le tikweni leri mi tshamaka eka rona yi tirhisane njhani ni Timbhoni ta Yehovha? Xana ku ni ntshunxeko wa vukhongeri? Loko swi ri tano, sweswo swi nga ha va swi titshege hi ndlela leyi vamakwerhu va n’wina va moya lava hanyeke eka makume ya malembe lama hundzeke va tirheke hi matimba ha yona eku “lweleni ni le ku simekeni ka mahungu lamanene hi nawu.” (Filp. 1:7) Ku nga khathariseki leswaku u tshama kwihi, ku anakanyisisa hi swiviko swa ku hlula ka le nawini ka Timbhoni ta Yehovha swi nga ha ri tiyisa swinene ripfumelo ra wena. Eka xiyenge lexi, hi ta tlhuvutsa swin’wana swa swiviko sweswo leswi hlamarisaka. Ku hlula ka hina ku nyikela vumbhoni lebyi tsakisaka bya leswaku Mfumo i wa xiviri, hikuva a hi ta va hi nga hetisisanga swo tala hi matimba ya hina!

EKA XIYENGE LEXI

NDZIMA 13

Vachumayeri Va Mfumo Va Yisa Nandzu Wa Vona eHubyeni

Vaavanyisi van’wana eka tihuvo ta manguva lawa va tekelele langutelo ra mudyondzisi wa Nawu wa le nkarhini wa khale Gamaliyele.

NDZIMA 14

Ku Seketela Hulumendhe Ya Xikwembu Ntsena Hi Ku Tshembeka

“Nambu” wa nxaniso lowu weleke Timbhoni ta Yehovha hikwalaho ka ku nga hlanganyeli eka tipolitiki wu mitiwe hi xihlovo lexi nga languteriwangiki.

NDZIMA 15

Ku Lwela Ntshunxeko Wo Gandzela

Vanhu va Xikwembu va lwele mfanelo yo yingisa nawu—nawu wa Mfumo wa Xikwembu.