Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Mfumo Wa Xikwembu Wa Fuma!

Eximatsini: Mukhalipotiya wa xisati a ri karhi a chumayela eKorea, hi 1931; Exineneni: A ri karhi a chumayela hi ririmi ra mavoko eKorea

 XIYENGE 2

Ku Chumayela Hi Mfumo—Ku Chumayela Mahungu Lamanene eMisaveni Hinkwayo

Ku Chumayela Hi Mfumo—Ku Chumayela Mahungu Lamanene eMisaveni Hinkwayo

 U LUNGHISELELA ku ya ensin’wini nimixo hi siku leri u nga yangiki entirhweni. Wa kanakana katsongo naswona u titwa u karhele. U twa u navela ku wisanyana mixo wolowo! Kambe u khongela hi mhaka yoleyo kutani u tiyimisela ku ya. U tirha ni makwerhu wa xisati loyi a tshembekeke la dyuhaleke naswona ku tiyisela ni musa wakwe swa ku khutaza. Kutani loko u ri karhi u chumayela rungula ra ntiyiso hi yindlu ni yindlu, u xiya leswaku vamakwerhu emisaveni hinkwayo va chumayela rungula leri fanaka va tirhisa minkandziyiso leyi fanaka, hinkwavo va vuyeriwa eka ndzetelo lowu fanaka. Loko u fika ekaya, u titwa u ri ni matimba. Wa tsaka hileswi u nga tshamangiki ekaya!

Namuntlha, vutirheli bya Mfumo wa Xikwembu i bya nkoka eka Mukreste. Yesu u profete leswaku ntirho wo chumayela a wu ta andza hi ndlela leyi hlamarisaka emasikwini yo hetelela. (Mat. 24:14) Xana vuprofeta byakwe byi hetiseke njhani? Eka xiyenge lexi, hi ta bula hi vanhu, maendlelo ni switirhisiwa leswi veke swa nkoka swinene evutirhelini bya Vukreste, leswi pfunaka vanhu va timiliyoni emisaveni leswaku va teka Mfumo wa Xikwembu tanihi lowu nga wa xiviri.

EKA XIYENGE LEXI

NDZIMA 6

Vanhu Lava Chumayelaka—Vatirheli Va Tinyikela Hi Ku Tirhandzela

Ha yini Yesu a tiyiseka leswaku a ta va ni vuthu ra vachumayeri va ku tirhandzela emasikwini lawa ya makumu? Xana u nga swi kombisa njhani leswaku u rhangisa Mfumo ku sungula?

NDZIMA 7

Tindlela To Chumayela Leti Va Ti Tirhiseke—Va Tirhisa Tindlela Hinkwato Leswaku Va Fikelela Vanhu

Dyondza hi tindlela leti vanhu va Xikwembu va ti tirhiseke leswaku va chumayela vanhu hilaha va nga kotaka hakona mahungu lamanene makumu ma nga si fika.

NDZIMA 8

Switirho Swo Chumayela Ha Swona—Ku Humesiwa Ka Minkandziyiso Yo Chumayela Ha Yona eMisaveni Hinkwayo

Xana ntirho wa hina wa ku hundzuluxela wu swi kombisa njhani leswaku Yesu wa hi seketela? Minkandziyiso ya hina yi swi kombisa njhani leswaku Mfumo i wa xiviri?

NDZIMA 9

Vuyelo Bya Ku Chumayela—“Masimu, Ma Basile Leswaku Ma Tshoveriwa”

Yesu u dyondzise vadyondzisiwa vakwe tidyondzo timbirhi ta nkoka malunghana ni ntshovelo lowukulu wa moya. Xana tidyondzo teto ti hi khumba njhani namuntlha?