Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Mahungu Lamanene Lama Humaka Eka Xikwembu!

 Dyondzo 9

Ndyangu Wa Wena Wu Nga Va Ni Ntsako Hi Ndlela Yihi?

Ndyangu Wa Wena Wu Nga Va Ni Ntsako Hi Ndlela Yihi?

1. Ha yini ku tekana hi nawu swi ri swa nkoka eku endleni ka leswaku ndyangu wu tsaka?

Mahungu lamanene ma huma eka Yehovha, Xikwembu lexi tsakeke lexi lavaka leswaku mindyangu yi tsaka. (1 Timotiya 1:11) Hi yena musunguri wa vukati. Ku tekana hi nawu i swa nkoka eku endleni ka leswaku ndyangu wu tsaka hikuva swi endla leswaku vana va kuriseriwa endhawini leyi sirhelelekeke.

Xikwembu xi byi teka njhani vukati? Xi lava leswaku wanuna ni wansati va tshama swin’we vutomi bya vona hinkwabyo. Vakreste va fanele va xixima milawu ya le tikweni ra vona loko swi ta emhakeni ya ku tsarisa vukati. (Luka 2:1, 4, 5) Yehovha u lava leswaku vatekani va tshembeka eka lava va tekaneke na vona. (Vaheveru 13:4) U venga ku dlaya vukati. (Malakiya 2:16) Kambe u pfumelela Vakreste leswaku va dlaya vukati va tlhela va byi nghenela loko munghana wa vona wa vukati a endle vuoswi.—Hlaya Matewu 19:3-6, 9.

2. Vatekani va fanele va khomana njhani?

Yehovha u vumbe vavanuna ni vavasati leswaku va pfunana. (Genesa 2:18) Tanihi nhloko ya ndyangu, wanuna u fanele a khathalela swilaveko swa nyama swa ndyangu wa yena a tlhela a wu dyondzisa hi Xikwembu. U fanele a rhandza nsati wa yena swinene. Vatekani va fanele va rhandzana va tlhela va xiximana. Leswi vatekani hinkwavo va nga hetisekangiki, ku dyondza ku rivalela i swa nkoka swinene hikuva swi pfuna mimpatswa leswaku yi tsaka evukatini.—Hlaya Vaefesa 4:31, 32; 5:22-25, 33; 1 Petro 3:7.

3. Loko u nga tsakanga evukatini, xana u fanele u tshika munghana wa wena wa vukati?

Loko mi ri ni swiphiqo evukatini bya n’wina, havumbirhi bya n’wina mi fanele mi tikarhatela ku khomana hi ndlela ya rirhandzu.  (1 Vakorinto 13:4, 5) Rito ra Xikwembu a ri khutazi leswaku vatekani va hambana leswaku va tlhantlha swiphiqo leswi tolovelekeke evukatini.—Hlaya 1 Vakorinto 7:10-13.

4. Vana, Xikwembu xi lava leswaku mi va na yini?

Yehovha u lava leswaku mi tsaka. U mi nyika xitsundzuxo lexinene xa ndlela leyi mi nga tiphinaka hi vuntshwa bya n’wina ha yona. U lava leswaku mi vuyeriwa eka vutlhari ni ntokoto wa vatswari va n’wina. (Vakolosa 3:20) Nakambe Yehovha u lava leswaku mi tsakela ku tirhela Muvumbi wa n’wina ni N’wana wa yena.—Hlaya Eklesiasta 11:9–12:1; Matewu 19:13-15; 21:15, 16.

5. Vatswari, xana vana va n’wina va nga wu kuma njhani ntsako?

Mi fanele mi tirha hi matimba leswaku mi kumela vana va n’wina swakudya, ndhawu yo tshama eka yona ni swiambalo. (1 Timotiya 5:8) Kambe leswaku vana va n’wina va tsaka, mi fanele mi tlhela mi va dyondzisa ku rhandza Xikwembu ni ku dyondza eka xona. (Vaefesa 6:4) Xikombiso xa n’wina xa ndlela leyi mi rhandzaka Xikwembu ha yona xi nga yi khumba swinene mbilu ya n’wana wa n’wina. Loko leswi mi swi dyondzisaka n’wana wa n’wina swi sekeriwe eRitweni ra Xikwembu, swi nga khumba mianakanyo ya n’wana wa n’wina hi ndlela leyinene.—Hlaya Deteronoma 6:4-7; Swivuriso 22:6.

Vana va vuyeriwa loko mi va khutaza mi tlhela mi va bumabumela. Va fanele va tlhela va xupuriwa ni ku tshinyiwa. Ndzetelo wolowo wu ta va sirhelela eka mahanyelo lama nga endlaka leswaku va nga tsaki. (Swivuriso 22:15) Kambe, a va fanelanga va tshinyiwa hi ndlela ya tihanyi.—Hlaya Vakolosa 3:21.

Timbhoni ta Yehovha ti kandziyisa tibuku to hlayanyana leti tsaleriweke ku pfuna vatswari ni vana. Tibuku leti ti sekeriwe eBibeleni.—Hlaya Pisalema 19:7, 11.

 

DYONDZA SWO TALA

U NGA VA NI NDYANGU LOWU TSAKEKE

Titshege Hi Xikwembu Leswaku U Va Ni Vukati Lebyi Tsakisaka

Ku tirhisa swivutiso swimbirhi swo olova swi nga ku pfuna leswaku u antswisa vukati bya wena.

U NGA VA NI NDYANGU LOWU TSAKEKE

Ndlela Yo Lulamisa Swiphiqo

Maendlelo lama faneleke ma nga endla leswaku vukati byi tiya ni ku tsakisa kumbe byi tsana ni ku nga tsakisi.

Xana Bibele Yi Dyondzisa Yini Hakunene?

Ndlela Yo Va Ni Ndyangu Lowu Tsakeke

Rirhandzu leri Yesu a ri kombiseke i xikombiso lexi vavanuna, vavasati, vatswari ni vana va nga xi tekelelaka. I yini leswi hi nga swi dyondzaka eka yena?