Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Mahungu Lamanene Lama Humaka Eka Xikwembu!

 Dyondzo 6

Hi Wihi Ntshembo Lowu Nga Kona Hi Lava Feke?

Hi Wihi Ntshembo Lowu Nga Kona Hi Lava Feke?

Xikwembu xi byele Adamu xi ku: “U ntshuri u ta tlhelela entshurini.”GENESA 3:19.

1. Hi wahi mahungu lamanene malunghana ni lava feke?

Loko Yesu a fika eBetaniya ekusuhi ni le Yerusalema, munghana wa yena Lazaro a a ri ni masiku ya mune a file. Yesu u ye endhawini leyi a lahliweke eka yona a ri na Marta na Mariya, vasesi va mufi. Hi xihatla, ntshungu wu hlengeletanile. Anakanya ndlela leyi Marta na Mariya a va tsake ha yona loko Yesu a pfuxe Lazaro.—Hlaya Yohane 11:21-24, 38-44.

Marta se a a ma tiva mahungu lamanene malunghana ni lava feke. A a swi tiva leswaku Yehovha u ta pfuxa lava feke leswaku va tlhela va hanya emisaveni.—Hlaya Yobo 14:14, 15.

2. Hi xihi xiyimo xa vafi?

Vanhu va vumbiwe hi ntshuri. (Genesa 2:7; 3:19) Hina a hi moya lowu hanyaka emirini wa nyama. Hi swivumbiwa swa nyama, hikwalaho a ku na xiphemu xo karhi eka hina lexi nga fiki. Loko hi fa, byongo ni mianakanyo ya hina swa fa. Hikwalaho, Lazaro a nga vulanga nchumu hi leswi a swi endleka loko a file hikuva vafi a va tivi nchumu.—Hlaya Pisalema 146:4; Eklesiasta 9:5, 6, 10.

Xana Xikwembu xi xanisa vanhu hi ku va hisa endzilweni loko va file? Tanihi leswi Bibele yi kombisaka leswaku vafi a va tivi nchumu, dyondzo ya ndzilo wa tihele yi endla leswaku vanhu va sola Xikwembu hi swilo leswi xi nga swi endliki. Dyondzo ya ku xanisa vanhu hi ku va hisa endzilweni ya xi nyenyetsa Xikwembu.—Hlaya Yeremiya 7:31.

 3. Xana vafi va nga hi vulavurisa?

Vafi a va vulavuli kumbe ku twa. (Pisalema 115:17) Kambe tintsumi tin’wana ti hombolokile naswona ti nga ha vulavula ni vanhu ti tiendla vanhu lava feke. (2 Petro 2:4) Yehovha a nga swi lavi leswaku hi ringeta ku vulavula ni lava feke.—Hlaya Deteronoma 18:10, 11.

4. I vamani lava nga ta pfuxiwa eku feni?

Timiliyoni to tala ta vanhu lava feke lava nga le masirheni ti ta pfuxeriwa ku hanya emisaveni. Hambi ku ri van’wana lava a va nga xi tivi Xikwembu ni lava a va endla leswo biha va ta pfuxiwa.—Hlaya Luka 23:43; Mintirho 24:15.

Lava pfuxiweke va ta kota ku dyondza ntiyiso malunghana ni Xikwembu ni ku kombisa ripfumelo eka Yesu hi ku n’wi yingisa. (Nhlavutelo 20:11-13) Lava pfuxiweke eku feni naswona va endla leswinene va ta tiphina hi vutomi emisaveni hilaha ku nga heriki.—Hlaya Yohane 5:28, 29.

5. Mhaka ya ku pfuxiwa ka vafi yi hi byela yini hi Yehovha?

Xikwembu xi endle leswaku ntshembo wa ku pfuxiwa ka vafi wu va kona hi ku rhumela N’wana wa xona leswaku a ta hi fela. Hikwalaho, mhaka ya ku pfuxiwa ka vafi yi hi kombisa rirhandzu ni musa wa Yehovha lowu nga faneriwiki. Loko vafi va pfuxiwa, i mani loyi u nga ta tsakela ku n’wi vona?—Hlaya Yohane 3:16; Varhoma 6:23.

 

DYONDZA SWO TALA

Lava Feke Va Kwihi?

Dyondza hi leswi Bibele yi swi vulaka malunghana ni lava feke ni leswaku ha yini vanhu va fa.

Ntshembo Wa Xiviri Hi Varhandziwa Va Wena Lava Feke

Xana u tshame u feriwa hi munhu loyi u n’wi rhandzaka? Xana swa koteka leswaku hi tlhela hi va vona? Dyondza leswi Bibele yi swi vulaka malunghana ni ku pfuxiwa ka vafi.

Ndlela Leyi Swivumbiwa Swa Moya Swi Khumbaka Vutomi Bya Wena Ha Yona

Bibele yi vulavula hi tintsumi ni madimona. Xana swivumbiwa leswi swa moya i swa xiviri? Xana swi nga byi khumba vutomi bya wena?