Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Xana Bibele Yi Dyondzisa Yini Hakunene?

 XIENGETELO

Xana Yesu U Velekiwe Hi December?

Xana Yesu U Velekiwe Hi December?

BIBELE a yi hi byeli leswaku Yesu u velekiwe rini. Kambe, yi hi nyika xivangelo lexi twalaka xa leswaku a nga velekiwanga hi December.

Xiya leswaku xiyimo xa maxelo a xi ri njhani le Betlehema laha Yesu a velekiweke kona. Hi n’hweti ya Xiyuda ya Chislev (leyi fambisanaka na November/December) a ku ri ni xirhami ni timpfula. N’hweti leyi landzelaka yoleyo a ku ri Tebeth (December/January). A ku titimela minkarhi yin’wana ku va ni gamboko etindhawini leti tlakukeke. A hi voneni leswi Bibele yi hi byelaka swona malunghana ni maxelo ya xifundzha xolexo.

Ezra mutsari wa Bibele u kombisa leswaku kahle-kahle Chislev a yi ri n’hweti leyi tiviwaka hi maxelo ya yona ya xirhami ni mpfula. Endzhaku ko vula leswaku ntshungu a wu hlengeletane eYerusalema “en’hwetini ya vukaye [Chislev] esikwini ra vu-20 ra n’hweti,” Ezra u vika leswaku vanhu a va “rhurhumela . . . hikwalaho ka mpfula.” Malunghana ni maxelo ya nkarhi wolowo wa lembe, vanhu lava hlengeletaneke va te: “I nguva ya mpfula, a swi koteki ku yima ehandle.” (Ezra 10:9, 13; Yeremiya 36:22) Hi yona mhaka  leyi varisi va le swifundzheni sweswo a va tiyiseka leswaku vona ni mintlhambi ya vona a va tshami emadyelweni nivusiku hi December!

Hambiswiritano, Bibele yi vula leswaku varisi a va ri enhoveni va langutele mitlhambi ya vona evusikwini lebyi Yesu a velekiweke ha byona. Kahle-kahle Luka mutsari wa Bibele u kombisa leswaku hi nkarhi wolowo, varisi a va “tshama ehandle ka muti, va rindza mintlhambi ya vona nivusiku” ekusuhi ni le Betlehema. (Luka 2:8-12) Xiya leswaku varisi a va tshama ehandle ka muti le madyelweni, ku nga ri ku famba-famba ehandle ninhlikanhi ntsena. A va tshame ni mintlhambi ya vona enhoveni nivusiku. Xana swa twala ku vula leswaku vanhu va nga va va ri ehandle eBetlehema hi December leyi tivekaka hi maxelo lama titimelaka ni lama nga ni timpfula? Doo! Hikwalaho swilo leswi humeleleke loko Yesu a velekiwa swi kombisa leswaku a nga velekiwanga hi December. *

Rito ra Xikwembu ri hi byela hi ku kongoma leswaku Yesu u fe rini, kambe ri hi nyika vuxokoxoko byitsongo bya leswaku u velekiwe rini. Leswi swi hi endla hi tsundzuka marito ya Hosi Solomoni la nga te: “Vito ra antswa ku ri ni mafurha lamanene, ni siku ra ku fa ku ri ni siku leri munhu a velekiweke ha rona.” (Eklesiasta 7:1) Kutani a swi hlamarisi leswi Bibele yi nyikeleke vuxokoxoko byo tala malunghana ni ntirho lowu Yesu a wu endleke ni rifu rakwe kambe yi nyikela vuxokoxoko byitsongo malunghana ni nkarhi wa ku velekiwa ka yena.

Loko Yesu a velekiwa varisi a va tshame ni mintlhambi ya vona enhoveni nivusiku

^ ndzim. 1 Leswaku u kuma rungula leri engetelekeke, vona matluka 269-273 ya buku leyi nge Ku Hlamulana Hi Matsalwa, leyi kandziyisiweke hi Timbhoni ta Yehovha.

DYONDZA SWO TALA

SWIVUTISO LESWI TALAKA KU VUTISIWA

Ha Yini Timbhoni Ta Yehovha Ti Nga Tlangeli Khisimusi?

Vanhu vo tala va yi tlangela Khisimusi hambiloko va tiva masungulo ya yona. Kuma leswaku ha yini Timbhoni ta Yehovha ti nga yi tlangeli.