Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

I Vamani Lava Endlaka Ku Rhandza Ka Yehovha Namuntlha?

 DYONDZO 28

I Yini Leswi Kumekaka Eka Web Site Ya Hina?

I Yini Leswi Kumekaka Eka Web Site Ya Hina?

Furwa

Poland

Rhaxiya

Yesu Kreste u byele valandzeri va yena a ku: “Ku voninga ka n’wina a ku vonakale emahlweni ka vanhu, leswaku va ta vona mintirho ya n’wina leyinene kutani va vangamisa Tata wa n’wina la nge matilweni.” (Matewu 5:16) Leswaku hi kota ku endla tano, hi yi tirhisa kahle thekinoloji ya manguva lawa, ku katsa ni Internet. Web site ya hina ya jw.org/ts, leyi nga le nawini yi ni rungula leri vulavulaka hi tidyondzo ni mintirho ya Timbhoni ta Yehovha. Xana yi na yini?

Yi ni tinhlamulo ta le Bibeleni ta swivutiso leswi talaka ku vutisiwa. U nga kuma tinhlamulo ta swivutiso swin’wana swa nkoka leswi vanhu va tshameke va swi vutisa. Tsevu wa swivutiso leswi swi hlamuriwa eka xiphephana lexi nge, Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? lexi kumekaka eka Internet hi tindzimi to tlula 400. U nga tlhela u kuma Vuhundzuluxeri Bya Misava Leyintshwa hi tindzimi to tlula 100 ni tibuku to tala leti sekeriweke eBibeleni, ku katsa ni buku leyi nge, Xana Bibele Yi Dyondzisa Yini Hakunene? ni minkandziyiso ya sweswinyana ya Xihondzo xo Rindza ni Xalamuka! Yo tala ya minkandziyiso leyi yi nga hlayiwa kumbe yi yingiseriwa kunene eka Web site kumbe yi kopiwa leswaku yi ta yingiseriwa kunene kumbe yi ri hi xivumbeko xa PDF kumbe EPUB. U nga tlhela u kopa matluka ma nga ri mangani leswaku u ta ma nyika munhu la tsakelaka hi ririmi ra yena. Minkandziyiso leyi endliweke yi va tivhidiyo ya kumeka hi tindzimi to tala ta mavoko. U nga kopa drama leyi ngo yingiseriwa kunene ya ku hlaya ka Bibele, tidrama ta le Bibeleni ni vuyimbeleri byo tsakisa lebyi u nga tiphinaka ha byona loko u tiwiserile.

Yi ni rungula leri nga ntiyiso malunghana ni Timbhoni ta Yehovha. Nakambe ku ni mahungu ya sweswinyana ni marungula yo koma lama nga eka tivhidiyo lama vulavulaka hi ntirho wa hina lowu endliwaka emisaveni hinkwayo, swiendlakalo leswi khumbaka Timbhoni ta Yehovha ni mphalalo lowu hi wu endlaka. U nga kuma switiviso swa tinhlengeletano leti nga ta va kona ni tiadirese ta marhavi ya hina.

Hi ku tirhisa endlelo leri, hi endla leswaku ku vonakala ka ntiyiso ku voninga etindhawini ta le kule swinene ta misava. Vanhu lava humaka eka matiko-nkulu hinkwawo ku katsa ni va le Antarctica va vuyeriwa. Hi khongelela leswaku “rito ra Yehovha ri hambeta ri famba hi rivilo” emisaveni hinkwayo leswaku ku dzunisiwa Xikwembu.—2 Vatesalonika 3:1.

  • Xana Web site ya jw.org/ts yi va pfuna njhani vanhu vo tala ku dyondza ntiyiso wa Bibele?

  • I yini leswi u nga tsakelaka ku swi kambisisa eka Web site ya hina?