Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

I Vamani Lava Endlaka Ku Rhandza Ka Yehovha Namuntlha?

 DYONDZO 23

Ndlela Leyi Minkandziyiso Ya Hina Yi Tsariwaka Yi Tlhela Yi Hundzuluxeriwa Ha Yona

Ndlela Leyi Minkandziyiso Ya Hina Yi Tsariwaka Yi Tlhela Yi Hundzuluxeriwa Ha Yona

Ndzawulo ya Vutsari, le U.S.A.

Korea Dzonga

Armenia

Burundi

Sri Lanka

Leswaku hi kota ku chumayela kahle “mahungu lamanene” eka “matiko hinkwawo ni tinyimba hinkwato ni tindzimi hinkwato ni vanhu hinkwavo,” hi humesa minkandziyiso hi tindzimi ta kwalomu ka 700. (Nhlavutelo 14:6) Hi swi kotisa ku yini ku endla ntirho lowu wo tika? Hi pfuniwa hi swirho leswi nga eka ndzawulo ya vutsari leswi nga le marhavini yo karhi ni hi vahundzuluxeri va kwalomu ka 3 300—hinkwavo i Timbhoni ta Yehovha.

Minkandziyiso yi ta yi tsariwe hi Xinghezi. Huvo leyi Fumaka yi langutela mintirho leyi endliwaka hi Ndzawulo ya Vutsari entsindza wa hina wa misava hinkwayo. Ndzawulo leyi yi langutela mintirho ya vatsari lava tirhaka entsindza wa hina swin’we ni le marhavini man’wana. Ku tsala hi swilo swo hambana-hambana swi endla leswaku vanhu va tinxaka to tala va tsakela minkandziyiso ya hina.

Rungula ri rhumeriwa eka vahundzuluxeri. Endzhaku ka loko rungula leri tsariweke ri kamberiwile naswona ku tiyisekiwa leswaku ri kahle, hi ku tirhisa khompyuta ri rhumeriwa eka mintlawa ya vahundzuluxeri emisaveni hinkwayo, lava ri hundzuluxelaka, va ri kambela ni ku ri hlaya. Va tikarhatela ku hlawula ‘marito lama pakanisaka ya ntiyiso’ lawa ma nga ta humesa mongo wa rungula leri tsariweke hi Xinghezi.—Eklesiasta 12:10.

Tikhompyuta ti hatlisisa ntirho. Khompyuta a yi tiendleli ntirho. Hambiswiritano, ntirho lowu endliwaka hi vatsari ni vahundzuluxeri wu nga hatlisisiwa hi ku tirhisa tikhompyuta ni swilo swo endla ndzavisiso ha swona. Timbhoni ta Yehovha ti endle progreme ya khompyuta leyi vitaniwaka Fambiselo Ra Elektroniki Ro Kandziyisa Hi Tindzimi To Tala (Multilanguage Electronic Publishing System [MEPS]) leyi eka yona rungula ri nga nghenisiwaka hi tindzimi ta madzana, ku hoxiwa ni swifaniso leswi fambisanaka ni rungula rolero kutani ri lulamiseriwa ku kandziyisiwa.

Ha yini hi endla matshalatshala lawa hinkwawo, hambi eka tindzimi leti vulavuriwaka hi vanhu va magidi ma nga ri mangani ntsena? Hikuva i ku rhandza ka Yehovha leswaku “vanhu va mixaka hinkwayo va ponisiwa naswona va fikelela vutivi lebyi kongomeke bya ntiyiso.”—1 Timotiya 2:3, 4.

  • I ntirho wihi lowu katsekaka eku kandziyisiweni ka minkandziyiso ya hina?

  • Ha yini hi hundzuluxela minkandziyiso ya hina hi tindzimi to tala swinene?

DYONDZA SWO TALA

NTIRHO WO KANDZIYISA

Vuyimbeleri Bya Tindzimi To Tala

Hlaya hi mintlhontlho leyi veke ona loko ku hundzuluxeriwa tinsimu leti hi tindzimi to tala.