Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

I Vamani Lava Endlaka Ku Rhandza Ka Yehovha Namuntlha?

 DYONDZO 7

Ku Endliwa Yini eMinhlanganweni Ya Hina?

Ku Endliwa Yini eMinhlanganweni Ya Hina?

New Zealand

Japan

Uganda

Lithuania

Minhlangano ya Vakreste va lembe-xidzana ro sungula a yi katsa tinsimu, swikhongelo ni ku hlayiwa ka Matsalwa ma tlhela ma hlamuseriwa, a ku nga ri na mihivahivani. (1 Vakorinto 14:26) Hileswi u nga swi langutelaka eminhlanganweni ya hina.

Tidyondzo ta kona ti sekeriwe eBibeleni naswona ta twisiseka. Hi mahelo-vhiki, Timbhoni ta Yehovha ta hlengeletana emavandlheni yo hambana-hambana leswaku ti ta yingisela nkulumo leyi sekeriweke eBibeleni ya timinete ta 30, leyi hlamuselaka ndlela leyi Matsalwa ma khumbaka vutomi bya hina ha yona ni minkarhi leyi hi hanyaka eka yona. Hinkwerhu ka hina ha khutaziwa leswaku hi pfula Tibibele ta hina loko ku hlayiwa matsalwa. Endzhaku ka nkulumo, ku landzela Dyondzo ya “Xihondzo xo Rindza” leyi tekaka awara, laha eka yona xirho xin’wana ni xin’wana xa vandlha xi pfumeleriweke ku hlamula hi nkarhi wa dyondzo. Dyondzo leyi yi hi pfuna leswaku hi tirhisa nkongomiso wa Bibele evuton’wini bya hina. Eka mavandlha lama tlulaka 110 000 emisaveni hinkwayo ku dyondziwa rungula leri fanaka.

Ha pfuniwa leswaku hi antswisa ndlela ya hina yo dyondzisa. Hi tlhela hi khoma minhlangano leyi nga ni swiyenge swinharhu. Xiyenge xo sungula i Dyondzo ya Bibele ya Vandlha leyi tekaka timinete ta 30, ku nga bulo ra swivutiso ni tinhlamulo leri hi pfunaka leswaku hi yi twisisa kahle milawu ya Matsalwa ni vuprofeta bya Bibele. Xiyenge xa vumbirhi i Xikolo xa Vutirheli bya le Tilweni lexi tekaka timinete ta 30 lexi sungulaka hi nkulumo leyi hlamuselaka tindzima to karhi ta le Bibeleni leti vandlha ri ti hlayeke ka ha ri emahlweni. Endzhaku ka sweswo swichudeni leswi tsariseke exikolweni lexi swi nyikela tinkulumo to koma. Mukhomi wa xikolo u swi nyika ndzayo ya laha swi nga lulamisaka kona leswaku swi antswisa ndlela leyi swi hlayaka ha yona ni ndlela leyi swi vulavulaka ha yona. (1 Timotiya 4:13) Xiyenge xo hetelela i Nhlangano wa Ntirho lowu tekaka timinete ta 30, lowu nga ni tinkulumo, minkombiso ni mimbulavurisano leyi hi pfunaka ku dyondzisa van’wana Bibele.

Loko u ya eminhlanganweni ya hina, handle ko kanakana u ta tsakisiwa hi nkoka wa dyondzo ya Bibele leyi u yi kumaka.—Esaya 54:13.

  • I yini leswi u nga rindzelaka ku swi dyondza eminhlanganweni ya Timbhoni ta Yehovha?

  • U nga tsakela ku ya eka minhlangano yihi ya vhiki na vhiki enkarhini lowu taka?

DYONDZA SWO TALA

Ku Endliwa Yini eHolweni Ya Mfumo?

Nghena endzeni u vona leswi endliwaka.

Ma Hleriwe Njhani Mavandlha Ya Timbhoni Ta Yehovha?

Vona ndlela hi kongomisiwaka ni ku leteriwa ha yona.