Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

I Vamani Lava Endlaka Ku Rhandza Ka Yehovha Namuntlha?

 DYONDZO 18

Hi Va Pfuna Njhani Vamakwerhu Lava Nga eMaxangwini?

Hi Va Pfuna Njhani Vamakwerhu Lava Nga eMaxangwini?

Dominican Republic

Japani

Haiti

Loko mhangu yi hlasela, hi xihatla Timbhoni ta Yehovha ti sungula ku pfuna vamakwerhu lava hlaseriweke. Matshalatshala wolawo ma kombisa rirhandzu ra hina leri tiyeke eka van’wana. (Yohane 13:34, 35; 1 Yohane 3:17, 18) Hi pfuna hi tindlela tihi?

Hi nyikela hi mali. Loko ku va ni ndlala leyikulu eYudiya, Vakreste va lembe-xidzana ro sungula va le Antiyoka va rhumele mali leswaku va pfuna vamakwavo va vona va moya. (Mintirho 11:27-30) Hilaha ku fanaka, loko hi twa leswaku vamakwerhu eswiphen’wini swin’wana swa misava va langutane ni swiyimo swo tika, hi va rhumelela minyikelo ku suka emavandlheni ya hina leswaku yi va pfuna hi leswi va swi pfumalaka eminkarhini yo tika.—2 Vakorinto 8:13-15.

Hi va pfuna hi tindlela to hambana-hambana. Vakulu lava nga le ndhawini leyi mhangu yi humeleleke eka yona va lava xirho xin’wana ni xin’wana xa vandlha ku tiyisekisa leswaku xi hlayisekile. Komiti ya mphalalo yi kongomisa leswaku lava hlaseriweke va kuma swakudya, mati yo tenga, swiambalo, ndhawu yo tshama ni ku pfuniwa hi swa vutshunguri. Timbhoni to tala leti nga ni vutshila lebyi lavekaka ti ya laha ku humeleleke mhangu leswaku ti pfuneta hi ku tirhandzela eka ntirho wo phalala kumbe wo lunghisa makaya ni Tiholo ta Mfumo leti onhakeke. Ntsako lowu hi vaka na wona tanihi nhlengeletano ni ntokoto lowu hi wu kumaka hi ku tirha swin’we swi endla leswaku hi va ni vatirhi lava fanelekaka hi nkarhi wa maxangu. Hambileswi hi pfunaka “lava nga swin’we na hina eripfumelweni,” hi tlhela hi pfuna van’wana loko xiyimo xi hi pfumelela, ku nga khathariseki vukhongeri bya vona.—Vagalatiya 6:10.

Hi va chavelela hi Matsalwa. Lava hlaseriweke va lava nchavelelo. Hi nkarhi wolowo, hi kuma matimba eka Yehovha, “Xikwembu xa nchavelelo hinkwawo.” (2 Vakorinto 1:3, 4) Hi ntsako hi va chavelela hi switshembiso swa le Bibeleni lava nga ni gome, hi va tiyisekisa leswaku ku nga ri khale Mfumo wa Xikwembu wu ta herisa makhombo hinkwawo lama endlaka leswaku hi va ni switlhavi ni ku xaniseka.—Nhlavutelo 21:4.

  • Ha yini Timbhoni ti kota ku pfuna hi xihatla hi nkarhi wa timhangu?

  • Hi nga va chavelela njhani hi tlhelo ra moya lava poneke?

DYONDZA SWO TALA

Japani—Ku Sungula Vutomi Hi Vuntshwa Endzhaku Ka Lembe

Timbhoni ta Yehovha ti hambeta ti pfuna lava poneke eka mhangu ya ku tsekatseka ka misava ni tsunami.

Vhidiyo Yo Koma: Ku Phalala Lava Hlaseriweke Hi Xidzedze Xa Sandy—Ku Kombisa Rirhandzu Hi Swiendlo

Hlalela xiviko xa ndlela leyi Timbhoni ta Yehovha ti va khathaleleke ha yona vagandzeri-kulobye ni van’wana endzhaku ka xidzedze lexi onheke ngopfu.