Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

U Nga Va Munghana Wa Xikwembu!

 DYONDZO 15

Vanghana Va Xikwembu Va Endla Leswi Nga Swi Swinene

Vanghana Va Xikwembu Va Endla Leswi Nga Swi Swinene

Loko u ri ni munghana loyi u n’wi tsakelaka naswona u n’wi xixima, u ringeta ku fana na yena. Bibele yi ri: “Yehovha hi lonene naswona u lulamile.” (Pisalema 25:⁠8) Leswaku hi va vanghana va Xikwembu, hi fanele hi va vanhu lavanene ni lava lulameke. Bibele yi ri: “Leswi mi nga vana lava rhandzekaka, vanani vatekeleri va Xikwembu, mi hambeta mi famba erirhandzwini.” (Vaefesa 5:​1, 2) Hi leti tin’wana ta tindlela leti u nga endlaka sweswo ha tona:

Pfuna van’wana. “A hi endleleni hinkwavo leswi nga swinene.”​—⁠Vagalatiya 6:⁠10.

Tirha hi matimba. “Muyivi a nga ha tlheli a yiva, kambe ematshan’weni ya sweswo a a tirhe hi matimba, a endla ntirho lowunene hi mavoko yakwe.”​—⁠Vaefesa 4:⁠28.

Tshama u basile emirini ni le mahanyelweni. “A hi tibasiseni eka swilo hinkwaswo leswi nyamisaka nyama ni moya, hi hetisekisa vukwetsimi hi ku chava Xikwembu.”​—⁠2 Vakorinto 7:⁠1.

 Rhandza swirho swa ndyangu wa wena u tlhela u swi xixima. “Un’wana ni un’wana wa n’wina a a rhandze nsati wakwe hilaha a tirhandzaka hakona; hi hala tlhelo, wansati u fanele ku va ni xichavo xo enta eka nuna wakwe. Vana, yingisani vatswari va n’wina.”​—⁠Vaefesa 5:​33–6:⁠1.

Rhandza vanhu van’wana. “A hi hambeteni hi rhandzana, hikuva rirhandzu ri huma eka Xikwembu.”​—⁠1 Yohane 4:⁠7.

Yingisa milawu ya tiko. “Moya-xiviri wun’wana ni wun’wana a wu tiveke ehansi ka [hulumendhe] . . . Nyikani hinkwavo timfanelo ta vona, loyi a lavaka xibalo n’wi nyikeni xibalo.”​—⁠Varhoma 13:​1, 7.