Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

I Mani Loyi Hakunene A Fumaka Misava?

I Mani Loyi Hakunene A Fumaka Misava?

Xana u ehleketa leswaku i . . .

  • Xikwembu?

  • vanhu?

  • munhu un’wana?

 LESWI BIBELE YI SWI VULAKA

“Misava hinkwayo yi le hansi ka matimba ya Lowo Homboloka.”—1 Yohane 5:19.

“N’wana wa Xikwembu u humelerile . . . ku ta herisa mintirho ya Diyavulosi.”—1 Yohane 3:8.

NDLELA LEYI SWESWO SWI NGA KU VUYERISAKA HA YONA

Tinhlamuselo leti twisisekaka ta swiphiqo swa misava leyi.—Nhlavutelo 12:12.

Xivangelo xo tshemba leswaku misava ya hina yi ta cinca yi va leyinene.—1 Yohane 2:17.

 XANA HI NGA SWI TSHEMBA HAKUNENE LESWI BIBELE YI SWI VULAKA?

Ina, hikwalaho ka swivangelo swinharhu:

  • Vulawuri bya Sathana byi ta herisiwa. Yehovha u tiyimisele ku herisa vulawuri bya Sathana ehenhla ka vanhu. U tshembisa ku “herisa . . . Diyavulosi” ni ku herisa ku onhaka hinkwako loku Sathana a ku vangeke.—Vaheveru 2:14, Vuhundzuluxeri Bya Misava Leyintshwa.

  • Xikwembu xi hlawule Yesu Kreste leswaku a fuma misava. Yesu u hambane swinene ni mufumi wa sweswi wa misava leyi loyi a nga ni tihanyi, a tlhela a va ni vutianakanyi. Malunghana ni vuhosi bya Yesu, Xikwembu xi tshembisa xi ku: “Yi ta va ni nsovo eka loyi a pfumalaka ni loyi a nga xisiwana . . . Yi ta kutsula moya-xiviri wa vona eku tshikileriweni ni le madzolongeni.”—Pisalema 72:13, 14.

  • Xikwembu a xi hembi. Bibele yi swi veka erivaleni yi ku: ‘A swi koteki leswaku Xikwembu xi hemba.’ (Vaheveru 6:18) Loko Yehovha a tshembisa ku endla nchumu wo karhi, u ta wu endla! (Esaya 55:10, 11) “Mufumi wa misava leyi u ta cukumeteriwa ehandle.”—Yohane 12:31.

 XIVUTISO XO ANAKANYISISA HA XONA

Misava yi ta va yi ri njhani endzhaku ka loko mufumi wa yona a susiwile?

Bibele yi hlamula xivutiso xexo eka PISALEMA 37:10, 11 na NHLAVUTELO 21:3, 4.

DYONDZA SWO TALA

Hi Xihi Xikongomelo Xa Xikwembu Hi Misava?

Bibele yi hlamusela xivangelo xo va Xikwembu xi tumbuluxe misava, nkarhi lowu ku xaniseka ku nga ta hela ni leswi vumundzuku byi yi khomeleke swona misava ni lava tshamaka eka yona.