Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Dyondzisa Vana Va Wena

 DYONDZO 8

Yosiya A A Ri Ni Vanghana Lavanene

Yosiya A A Ri Ni Vanghana Lavanene

Xana u ehleketa leswaku swa tika ku endla leswinene?— Vanhu vo tala va ehleketa tano. Bibele yi hi byela leswaku a swi xi tikela swinene xifanyetana lexi vuriwaka Yosiya ku endla leswinene. Kambe a xi ri ni vanghana lavanene lava xi pfuneke. A hi dyondzi swo tala hi Yosiya ni vanghana vakwe.

Tata wa Yosiya a ku ri Amoni hosi ya le Yuda. Amoni a a ri ni mbilu yo biha naswona a a gandzela swifaniso. Loko tata wa Yosiya a fa, Yosiya u ve hosi ya le Yuda. Kambe a a ri ni malembe ya nhungu ntsena! Xana u ehleketa leswaku a a ri ni mbilu yo biha ku fana ni tata wakwe?— Doo!

Sofaniya u tsundzuxe vanhu leswaku va nga gandzeli swifaniso

Hambileswi a ha ri ntsongo swinene, Yosiya a a lava ku yingisa Yehovha. Kutani u hlawule ku endla xinghana ntsena ni vanhu lava a va rhandza Yehovha. Kutani va pfune Yosiya ku endla leswinene. Xana vanghana van’wana va Yosiya a ku ri vamani?

Un’wana wa vanghana vakwe a ku ri Sofaniya. Sofaniya a ku ri muprofeta loyi a  tsundzuxeke vanhu va le Yuda hi swilo swo biha leswi a swi ta va humelela loko va gandzela swifaniso. Yosiya u yingise Sofaniya kutani a gandzela Yehovha, ku nga ri swifaniso.

Un’wana wa vanghana va Yosiya a ku ri Yeremiya. A va nga siyani kule hi malembe naswona a va tshama ekusuhi na kusuhi loko va ri karhi va kula. A va ri vanghana lavanene lerova loko Yosiya a fa, Yeremiya u tsale risimu ro hlawuleka hi ndlela leyi a a n’wi tsundzuka ha yona Yosiya. Yeremiya na Yosiya a va pfunana ku endla leswinene ni ku yingisa Yehovha.

Yosiya na Yeremiya a va pfunana ku endla leswinene

Xana hi nga dyondza yini eka xikombiso xa Yosiya?— Hambiloko Yosiya a ha ri xifanyetana, a a lava ku endla leswinene. A a swi tiva leswaku u fanele a endla xinghana ni vanhu lava rhandzaka Yehovha. Tiyiseka leswaku u hlawula vanghana lava rhandzaka Yehovha lava nga ta ku pfuna ku endla leswinene!

HLAYA EBIBELENI YA WENA